Atajurtty asqaqtatqan túrik otbasy

Alys joldan kelgen qonaqtar 5 400 sha­qyrym jol júr­gen. Qazaq topyraǵyna taban tiregeli túrik otbasyna kórsetilgen jer­gilikti halyqtyń yqylasy jo­ǵary boldy. Elordaǵa barar jolda olar elimizdiń túrli qala­la­rynda toqtaıdy. Sheteldik meı­mandar buǵan deıin Aqtaýda men Aqtóbe oblysynda aıaldady. Aldymen saıahatshylar Baı­ǵanın aýdanyna, sodan keıin Temir aýdany, Aqtóbe qalasy men Hromtaý aýdany turǵyndarynyń qonaqjaılylyǵyna tánti boldy. Ulttyq taǵamdardan dám tatyp, salt-dástúrimen tanysty.

Bas qalaǵa taban tiregen túrik otbasyn birinshi kúni qala ákimdigi qarsy alyp, qazaqqa tán syı-sııapat kórsetken. Ákimdik saıahatshylarǵa Dúnıejúzilik kóshpeliler oıyndarynyń ashylýyna bıletter tabys­tady. Meımandar 12 tamyz­da jolǵa shyǵyp, Grýzııa, Reseı, Tatarstan arqyly 21 kún­de As­tanaǵa jetken. Idıl men Bý­rak 2 jasar ulymen birge Dú­nıe­júzilik kóshpeliler oıyndaryn kórý úshin arnaıy kelgen. О́zderiniń aıtýynsha, «Kóshpeli» dep atalatyn shaǵyn avtobýsty alys saparǵa arnaıy jabdyqtaǵan. Erli-zaıyptylar kóshpeliler oıynynan keıin saıa­hattaryn О́zbekstan, Qyrǵyz Respýblıkasynyń jerinde jal­ǵas­tyrýdy nıet etip otyr.

Sonymen birge túrik otbasy Astanadaǵy Túrkııa elshiliginiń rezıdensııasynda qonaqta boldy. «Astanaǵa jetkenimizge qatty qýanyp turmyz. Qazaqpen túbimiz bir týysqan halyqpyz. Shynymdy aıtsam, atajurtqa kelgende de kóńilimiz alaburtyp, kózimizge jas keldi. Meniń anam qyrǵyz. Qazaq halqynyń qonaqjaılyǵy, kórsetip jatqan iltıpattarynan, úıimizde júrgen sııaqtymyz. Saıahat barysynda qazaq halqymen jaqyn tanysyp, qyzyqty ýaqyt ótkizgimiz keledi», dedi aǵynan jarylǵan Idıl Dýran.

Ystanbul qalasynyń tur­ǵyny Býrak Dýran qazaqtyń keń dalasynan ótip bara jatqanda ke­remet áser alǵanyn aıtady. «Qazaq dalasy óte úlken, ta­bı­ǵaty bizge unady. Alaıda bir qa­ladan kelesi qalaǵa jetýdiń ózi uzaq ýaqyt alady eken. Ja­syratyny joq, jolda avtobýs synyp, ózge de qıyndyq boldy. Biraq jergilikti ákimdik jedel jetip, qolushyn sozdy. Qazaq halqynyń qonaqjaılyǵyn taǵy da erekshe aıtqym keledi, tipti polıseıler de járdemin aıamaı, jol kórsetip otyrdy», deıdi túrik saıahatshysy.