OŃTÚSTIKTE ASTYQQA ORAQ TÚSTI. Ońtústikte astyq pisti. Bıdaı sabaǵy dán toly basyn kótere almaı maıysady.
Saryaǵashtaǵy “Birlik” tájirıbe sharýashylyǵynyń 300 gektar kúzdik bıdaıyna oraq tústi. Astyqty gollandyq “New Holland” kombaındary oryp jatyr. “Ońtústik” áleýmettik kásipkerlik korporasııasy jergilikti servıstik daıyndaý ortalyqtary arqyly dıqandarǵa osylaısha qyzmet etýde. Korporasııanyń qoldaýymen sharýashylyqtar 3,5 myń gektarǵa dándi daqyldar ekken. Byltyr dándi daqyldardan 21,2 sentnerden ónim alynsa, bıyl da osy meje baǵdarǵa alynyp otyr.
Baqtııar TAIJAN, Ońtústik Qazaqstan oblysy.
ELShINIŃ QYZYLJARǴA SAPARY. Germanııanyń Qazaqstandaǵy elshisi Raıner Shlegeter men elshiliktiń ekonomıka jáne baspasóz máseleleri jónindegi attashesi Iаn-Dıter Gosınk jumys saparymen Qyzyljar óńirinde boldy. Olardy oblys ákimi Serik Bilálov qabyldap, óńirdiń áleýmettik-ekonomıkalyq damý baǵdarymen tanystyrdy. Bıylǵy Germanııanyń Qazaqstandaǵy jyly aıasynda atqarylyp jatqan sharalarǵa toqtaldy. О́zara kelisilgen ýaǵdalastyq boıynsha Petropavl men Germanııanyń bir qalasymen baýyrlastyq qarym-qatynas ornatylatyn boldy. Elshi óz sózinde Qyzyljar óńirine birinshi kelip turǵanyna qaramastan, úlken áser alǵanyn málimdedi. Jáne ol oblys ortalyǵynyń kórnekti jerlerimen tanysyp, Germanııanyń Qazaqstandaǵy jylyna oraı uıymdastyrylǵan “Qazirgi zamanǵy Germanııa” atty kórmeniń ashylý saltanatyna qatysty.
О́mir ESQALI, Soltústik Qazaqstan oblysy.
JOBANY JÚIELEÝ JALǴASADY. О́tken sársenbide oblys ákimi Bolatbek Qýandyqovtyń tóraǵalyq etýimen “Syrdarııa ózeniniń arnasyn retteý jáne soltústik Aral teńizin saqtaý” jobasynyń ekinshi kezeńinde atqarylýy tıis jumystardy keshendi zertteý úshin qurylǵan jumys tobynyń keńeıtilgen májilisi ótti. Búginde SARATS jobasynyń ekinshi kezeńine engen nysandardy tereń zerdelep, tıimdi usynystar berý úshin qurylǵan jumys toby jetekshileri máseleniń mán-jaıyn jan-jaqty baıan etti. Jumys toby jobanyń ǵylymı-tehnıkalyq, ekologııalyq turǵydan tıimdiligine taldaý jasap, sý balansyn retteýdiń, balyq sharýashylyǵyn damytýdyń, sýdy únemdeý tehnologııasyn engizýdiń joldaryn qarastyryp jatyr. Qarjylyq máseleler respýblıkalyq deńgeıde sheshimin tappaq.
Erkin ÁBIL, QYZYLORDA.
BAZAR TAZALYǴY BAQYLAÝǴA ALYNDY. Qazir halyq azyq-túlikti negizinen bazardan alady. Al bazarlardyń tazalyǵy kóńilge qonymdy ma? Ásirese, túrli juqpaly aýrýlar asqynatyn qazirgi kezde bazarlar janynda tez buzylatyn taǵamdar satylady. Bul sanıtarlyq talapqa saı kele me? Mine, osy másele ótken aptada oblys ákimi B.Rysqalıev ótkizgen arnaıy keńeste qozǵaldy. О́ńir basshysy bazarlardaǵy azyq-túlik sapasyn sanıtarlyq-epıdemıologııalyq qyzmettiń dárigerleri udaıy baqylaý qajettigin alǵa tartty. Tipti bazarda saýda jasaýshylardyń sanıtarlyq tekserýden ótpegenderi bary aıtyldy. Olar juqpaly aýrýlardy taratýshylar bolyp júrmeı me eken?
Joldasbek ShО́PEǴUL, Atyraý oblysy.
JAS SAIаSATKERLER QATARY TOLYQTY. “Nur Otan” halyqtyq-demokratııalyq partııasy basshylyǵy men jastar arasyndaǵy jumys jandandyrylyp, jaýapkershilikti kúsheıtý baǵytyndaǵy maqsatty jumystar júzege asyrylýda. Sonyń biri – partııanyń Taldyqorǵan qalalyq fılıaly janyndaǵy “Jas saıasatker” saıası mektebi bıylǵy jyly tyńdaýshylaryn segizinshi márte qanat qaqtyryp, olar el ómirine belsene qatysatyn jastar qataryn tolyqtyrdy. Jas saıasatkerlerge Uly Otan soǵysynyń ardagerleri aq batasyn berse, arnaıy sertıfıkatqa ıe bolǵan 36 túlek ózderiniń egemen elimizdiń erteńine jastyq jalynyn arnap, jaqsy isterdiń bastamashysy bolatyndyqtaryna sendirdi. Sondaı-aq, saıası mektep bitirýshi Erdáýlet Muhametqajıev, Ásem О́skenbaeva ustazdaryna alǵys aıtyp, áriptesteriniń aldaǵy ómirine sáttilik tiledi.
Kúmisjan BAIJAN, Almaty oblysy.
27 TÚLEK — “ALTYN BELGI” IEGERI. Shyǵys Qazaqstanda bilim sapasy jyl saıyn artyp keledi. Oǵan dálel, bıyl kendialtaılyqtar biryńǵaı ulttyq testileýde elimiz boıynsha úshinshi orynǵa ıe boldy. Zaısan aýdany jyl saıyn ulttyq testileýde sapaly bilimniń deńgeıin kórsetedi. Bıyl úmitker 37 oqýshynyń 27-si “Altyn belgige” ıe boldy. Lomonosov mektebiniń – 8, Áýezov mektebiniń – 3, Qaratal men Amangeldi oqý oryndarynyń 6 jáne 3 túlegi ata-analaryn qýanyshqa keneltti. Sondaı-aq, Jarsý, Abaı, Saryterek, Múkárama, Mustafına mektepteriniń shákirtteri de “Altyn belgini” qorǵap shyqty. G.Qalıoldanova, G.Saıranova – 123, J.Bolathanuly, Á.Ibraeva, E.Eljasova 122 balldan jınady.
Ońdasyn ELÝBAI, Shyǵys Qazaqstan oblysy.
DIREKTORDYŃ OQÝShYǴA SYILYǴY. Qolyńnan kelip jatsa, oǵan múmkindigiń bolyp jatsa, úzdik mektep oqýshysyn da laıyqty túrde marapattaǵanǵa ne jetsin! Osyndaı qaǵıdany basshylyqqa alǵan qaladaǵy №11 orta mektep dırektory N.Fesenkonyń oqý jylynyń qorytyndysymen úzdik oqýshyny aqshalaı syılyqpen marapattap kele jatqanyna birer jyl boldy. Bıyl ondaı syılyqqa ǵylymı jobalardyń respýblıkalyq, halyqaralyq saıystarynyń jeńimpazy, 11-synyp oqýshysy Dılbar Ataeva ıe boldy. Al alǵashqy marapat syıdyń nátıjesin ýaqyt kórsetetindigi sózsiz.
Dáýlet SEISENULY, SEMEI.