Keshegi jarys kúninde ordo sportynan el quramasynyń úzdikteri Chehııa, Mońǵolııa sportshylaryn esh qınalmaı jeńip, fınaldyq synǵa shyqqanda, altyn júldeniń de aýyly alys emes bolar dep úmittengen edik.
Alaıda qyrǵyz halqynyń ulttyq oıyny ordodan el quramasy fınalda qarsylasqa jol berip, kúmis júldeni qanaǵat tutty.
Ordonyń fınaldyq kezeńinde el quramasy Qyrǵyzstan sportshylarymen kezdesti. Fınalda otandyq asyqshylar qarsylastaryna 96:18 esebimen ese jiberdi. Sporttyń osy túrinen birinshi, ekinshi oryndy qyrǵyz, qazaq sportshylary jeńip alsa, úshinshi oryndy Tájikstan quramasynyń asyqshylary ıelendi.