Memleket basshysy Qasym-Jomart Toqaevtyń shaqyrýymen Germanııanyń Federaldy kansleri Olaf Shols Qazaqstanǵa resmı saparmen keldi. Qurmetti qonaqty Qazaqstan Premer-mınıstri Oljas Bektenov qarsy aldy, dep habarlaıdy Egemen.kz Úkimettiń baspasóz qyzmetine silteme jasap.
Habarlanǵandaı, Germanııanyń Federaldy kansleri Olaf Shols «Ortalyq Azııa + Germanııa» ekinshi sammıtine qatysady. Onyń sheńberinde saýda-ekonomıkalyq ózara is-qımyl men birlesken ınvestısııalyq jobalardy iske asyrýdy qosa alǵanda, keń aýqymdy baǵyttar boıynsha strategııalyq yntymaqtastyq pen áriptestik máselelerin talqylaý josparlanǵan.
Aıta keteıik, Germanııa Qazaqstannyń mańyzdy saýda jáne ınvestısııalyq seriktesi sanalady.
Bıylǵy 7 aıda ózara saýda kólemi 2023 jyldyń sáıkes kezeńimen salystyrǵanda 13%-ǵa ósip, $2,3 mlrd-ty quraǵan. О́tken jyldyń qorytyndysy boıynsha Germanııadan Qazaqstanǵa tikeleı ınvestısııalar kólemi 64%-ǵa ulǵaıyp, $770 mln-ǵa jetken. Qarajattyń negizgi bóligi basymdyq berilip otyrǵan ekonomıkanyń shıkizattyq emes sektoryn damytýǵa baǵyttalǵan.