Tabıǵaty tamyljyǵan Talǵar qalasyndaǵy mádenıet úıinde ardager sportshylar men ónerpazdardyń qatysýymen «Salamatty ómir salty» atty óner festıvali ótti. Is-sharanyń ashylý saltanatynda Talǵar aýdanynyń ákimi Tanat Aıdarbekov, «Ardagerler uıymy» respýblıkalyq qoǵamdyq birlestigi Almaty oblystyq fılıaly tóraǵasynyń orynbasary Ilııas Súgirov ónerdi ómirine ózek etken ardagerlerdi quttyqtap, aqjarma tilekterin aqtardy.
«El ishi – óner kenishi» degen. Halqymyzdyń ulttyq baı murasyn, óshpes ónerin urpaqtan-urpaqqa dáriptep, nasıhattap júrgen aqsamaıly ardagerlerdiń el mádenıetiniń damýyna qosar úlesteri orasan. Osy sebepti, ardagerler men zeınetkerlerdiń qoǵamdyq belsendiligin nyǵaıtyp, olardy mádenı-buqaralyq is-sharalarmen qamtý, shyǵarmashylyqqa qulshynysyn arttyrý – «Ardagerler uıymynyń» basty maqsaty.
Buǵan deıin aýyl, aýdanaralyq baıqaýlardan top jarǵan ardagerler oblystyq básekede de júzden júırik tanylýǵa tyrysty. О́ńirdiń barlyq aýdany qamtylǵan óner dodasynda ardager ónerpazdar vokaldy ansambl, trıo, dýet, jeke oryndaýshy, mánerlep oqýdan synǵa tústi.
Halyq kompozıtorlary Shámshi Qaldaıaqov pen Áset Beıseýovtiń ánderin naqyshyna keltire oryndaǵan «Qos juldyz» baıqaýynda oblysqa qarasty 9 aýdan, 1 qaladan 10 komanda qatysyp, sahnada barlyǵy 60 qarııa óner kórsetti. О́nerpazdardyń árqaısysy túrli salada qyzmet atqarǵan ardagerler. Biri ustaz, endi biri dáriger, kelesisi tárbıeshi, basqa da san salada tabandy eńbek etip, búgingi tańda qurmetti demalysqa shyqqan ardaqty ata-ájeler.
Baıqaýǵa qatysqan qazynaly qarııalar mýzykalyq aspaptyń súıemeldeýimen tabıǵı daýysta tamyljyta án shyrqap qana qoımaı, kórkemsóz oqýdaǵy sheberlikterimen kórermenderdi tánti etti. Is-shara jeńimpazdary «Úzdik vokaldyq ansambl», «Úzdik trıo», «Úzdik dýet», «Úzdik jeke oryndaýshy», «Mánerlep oqý» atalymdary boıynsha marapattaldy. Barlyq jeńimpaz aqshalaı syılyqtarǵa ıe boldy.
Halyqtyq án shashýmen bastalǵan óner festıvali ardagerler arasynda sporttyq oıyndarǵa ulasty. Onda oblystyq shahmat jáne ústel oıyndarynan mamandandyrylǵan sport mektebiniń ádiskeri Mereı Aınekov oıyn erejesimen tanystyryp, qatysýshylarǵa sáttilik tiledi. Shahmat jarysy – tereń aqyl men epti strategııaǵa qurylǵan oıyn, sonymen qatar oı-óristi mashyqtandyratyn, jyldam ári durys sheshim qabyldaýǵa baýlıtyn, este saqtaý qabiletin jaqsartýǵa úles qosatyn sport túri bolǵandyqtan, ardagerlerdiń buqaralyq sporttyń bul túrine qyzyǵýshylyqtary erekshe ekendigin ańǵardyq.
«О́mir boıy eńbek etip, el damýyna úles qosqan aqsamaıly qarııalardyń qoǵam nazarynda bolýy oryndy. Olardyń shyǵarmashylyqpen aınalysyp, ónerlerin kórsetýde mundaı is-sharalar jıi uıymdastyrylyp, qoldaý bildirilip turýyn qalaımyz. Jasy 80-ge jetse de sporttan qol úzbegen qarııalarymyz bar. Olardyń ómirlik ustanymdary men oıyn sheberlikteri óskeleń urpaqqa ónege bolary sózsiz», deıdi jarysqa qatysýshy ardager jýrnalıst Tursynbek Jalǵasbaev.
Ardagerler arasyndaǵy shahmat, doıby týrnıriniń qorytyndysy boıynsha shahmattan Qarasaı aýdany boıynsha Amandýlla Abdımýratov I oryn ıelense, Qonaev qalasynan qatysqan Jaqsylyq Ahmetjanov II oryndy qanjyǵalady. О́z kezeginde Iemberdi Tastanov, Osman Gapparov III orynǵa taban tiredi.
Doıby jarysy boıynsha Balqash aýdanynan Marat Qashqynbaev I oryn, Qonaev qalasynan E.Qabylov II oryndy ıelense, Talǵar aýdanynan Q.Ahmetov pen Ile aýdanynyń ardageri R.Sadabaev III oryn jeńimpazy atandy. Jeńimpazdarǵa aqshalaı syılyqtarmen qosa, dıplom, alǵyshattar tabystaldy.
Almaty oblysy