Germanııadaǵy «Qazan» birlestigi

Qazaqstanda týyp-ósip, keıinnen ata­jurtyna qonys aýdar­ǵan nemister Germanııada qazaq dástúrin saqtap, el má­denıetine qurmet kórsetip otyr. Geppıngen qalasynyń ońtústiginde «Qazan» mádenı birlestiginiń ashylýy – sonyń bir aıǵaǵy. Ortalyqqa barǵan ár adam qazaq mádenıetimen, salt-dástúrimen tanysa alady. Irgeli birlestikti qurýshylar bul arqyly ózderiniń qazaq jurtymen ara qatynasyn úz­beı, kerisinshe jańǵyrtyp, ke­lesi urpaqqa amanattaıty­nyn aıtady. Birlestik 8 jyldan beri qarqyndy eńbek etýde. Mádenı oshaqtyń negizin qalaǵan Aqmola oblysynyń týmasy – Valerıı Osvald. Or­talyqtyń qabyrǵalary qazaq ulttyq áshekeıimen bederlense, aýlasynda arnaıy alma aǵash­tary otyrǵyzylǵan.

– Birlestigimizde 100-ge tarta adam jumys istep úl­gerdi. Olardyń barlyǵyna jýy­ǵyn Qazaqstannan kelgen turǵyndar quraıdy, ózge memleketten kelgender de bar. Ortalyqqa Qa­zaqstannan jıi qonaqtar kelip turady. Kıiz úı men Abaı murasyn tamashalap, et, qýyr­daq, ba­ýyrsaq syndy ózimiz jıi ázir­­leıtin ulttyq taǵamdarǵa tap­syrys berip jatady. Bir­les­tikte Abaı murasyna ar­nal­ǵan arnaıy burysh bar. Mun­da uly aqynnyń ómiri hám shyǵarmashylyǵymen jaqyn tanysýǵa bolady. So­ny­men qatar qonaqtar qazaq­tyń ulttyq kostıýmderi men dom­byra, qobyz syndy as­paptaryn kóre alady, – deı­di ortalyqtyń negizin qa­laý­shy Valerıı Osvald.

Birlestikti qurýshylar Qa­zaqstan men Germanııa ara­syn­daǵy qarym-qaty­nas­tyń berik­tigine, eki el dos­ty­ǵyna, qazaq halqy máde­nıe­tiniń shet­elde tanylýyna yqpal etetinderine senimdi.

– Qazaqstanda týyp, máde­­nıetimen sýsyndadyq, endi Ger­­manııada júrip alysta qal­ǵan baıtaq jerimizdi jıi saǵy­namyz. Sondyqtan da ózi­miz sekildi jandarǵa osy orta­lyqty ashyp otyrmyz. Jer­gilikti nemis halqyna da qazaq eliniń qo­naq­jaılyǵyn, ádep-ıbasy men mádenıetin or­talyq ar­qyly tanytqy­­myz keledi, – deıdi «Qazan» birles­tiginiń múshesi Sergeı Lıýft.