Aınalanyń tazalyǵyn saqtaýǵa, búldirmeýge árbir azamattyń belsendiligin oıatý óte mańyzdy. Sonda ǵana tazalyqty qamtamasyz etýge bolady.
Sátbaev qalasynda bıyl tórtinshi ret ótkizilgen «Úzdik aýla» baıqaýy turǵyndardyń ózderi turatyn aýmaqtaǵy sanıtarlyq tazalyqty saqtaýǵa atsalysýyna ózindik yqpalyn tıgize bastady. О́ıtkeni jyl sanap baıqaýǵa qatysýshylar qatary kóbeıip keledi.
Bıyl baıqaýǵa 15 aýlanyń turǵyndary qatysty. Solardyń arasynan ozyq shyqqandarǵa arnaıy syılyqtar berildi.
«Jasyl aýla» nomınasııasy boıynsha qaladaǵy Erden kóshesi, 193 úıdiń turǵyndary jeńimpaz dep tanyldy. О́ıtkeni, úı aýlasy jasyl jelekke shomylǵan, ártúrli gúlder kóz tartady. Mundaı jerdiń tazalyǵy da tamasha bolatyny aıtpaı-aq belgili. Olarǵa beınebaqylaý kamerasy syıǵa tartyldy. Naq osyndaı beınekameraǵa Gýrba kóshesi, 99-úıdiń turǵyndary da «Qalanyń órkendeýine qosqan úlesi úshin» nomınasııasy boıynsha ıe boldy.
«MIB jáne JS úzdik qyzmetkeri» dep tanylǵan «Qaısar» jekemenshik páter ıeleri koperatıvine dánekerleý apparaty tabystaldy.
«Jaıly kireberis» nomınasııasynyń jeńimpazy atanǵan Táýelsizdik dańǵyly, 55-úıge jańa úlgidegi shańsorǵysh berildi.
Abaı kóshesi, 65-úıdiń turǵyndary bıylǵy baıqaýdyń basty báıgesin – teledıdardy jeńip aldy.
Baıqaýǵa qatysýshylarǵa syı-sııapat jasaldy.
Syılyqtardy tabystaǵan qala ákimi Murat Bóribaev: «Qalaǵa degen súıispenshilik - aýlany taza ustaýdan bastalady» dep kezdeısoq aıtylǵan emes. Shyn máninde solaı. Tazalyqty saqtaý, soǵan umtylý - tárbıeniń, mádenıettiń bir túri. Sondyqtan úıdiń kireberisinen bastap, onyń tazalyǵyn saqtaýdy óz mindeti sanaıtyn, qalamyzdyń damýy men órkendeýine eleýli úles qosatyn barlyq belsendi jáne beıjaı qaramaıtyn qala turǵyndaryna zor alǵysymdy bildiremin», dedi.
Baıqaý kelesi jyly da jalǵasyn tabady.
Ulytaý oblysy,
Sátbaev qalasy.