Qorshaǵan ortanyń tazalyǵyn saqtaý maqsatynda árbir azamattyń belsendiligin oıatý asa mańyzdy. Sonda ǵana tazalyqty qamtamasyz etýge bolady.
Sátbaev qalasynda bıyl tórtinshi márte ótkizilgen «Úzdik aýla» baıqaýy turǵyndardyń ózderi turatyn aýmaqtaǵy sanıtarlyq tazalyqty saqtaýǵa atsalysýyna yqpalyn tıgize bastady. О́ıtkeni jyl sanap baıqaýǵa qatysýshylar qatary kóbeıip keledi.
Bıyl baıqaýǵa 15 aýlanyń turǵyndary qatysty. Solardyń arasynan ozyq shyqqandarǵa arnaıy syılyqtar berildi. «Jasyl aýla» atalymy boıynsha qaladaǵy Erden kóshesi, 193-úıdiń turǵyndary «jeńimpaz» dep tanyldy. О́ıtkeni úı aýlasy jasyl jelekke oranǵan, ártúrli gúlder kóz tartady. Mundaı jerdiń tazalyǵy da tamasha bolatyny aıtpaı-aq belgili. Olarǵa beınebaqylaý kamerasy syıǵa tartyldy. Naq osyndaı beınekameraǵa Gýrba kóshesi, 99-úıdiń turǵyndary da «Qalanyń órkendeýine qosqan úlesi úshin» atalymy boıynsha ıe boldy. «MIB jáne JS úzdik qyzmetkeri» dep tanylǵan «Qaısar» jekemenshik páter ıeleri kooperatıvine dánekerleý apparaty tabystaldy. «Jaıly kireberis» atalymynyń jeńimpazy atanǵan Táýelsizdik dańǵyly, 55-úıge jańa úlgidegi shańsorǵysh berildi. Abaı kóshesi, 65-úıdiń turǵyndary bıylǵy baıqaýdyń basty báıgesin – teledıdardy jeńip aldy.
Jeńimpazdardy marapattap, syılyqtardy tabystaǵan qala ákimi Murat Bóribaev «Qalaǵa degen súıispenshilik – aýlany taza ustaýdan bastalady» dep beker aıtylmaǵan. Shyn máninde solaı. Tazalyqty saqtaý, soǵan umtylý – tárbıeniń, mádenıettiń bir túri. Sondyqtan úıdiń kireberisinen bastap, onyń tazalyǵyn saqtaýdy óz mindeti sanaıtyn, qalamyzdyń damýy men órkendeýine eleýli úles qosatyn barlyq belsendi jáne beıjaı qaramaıtyn qala turǵyndaryna zor alǵysymdy bildiremin», dedi.
Baıqaý kelesi jyly da jalǵasyn tabatyn bolady.
Ulytaý oblysy,
Sátbaev qalasy