ASTANA. 27 qańtar. Oppozısııalyq radıkaldy ońshyl «Sırıza» partııasynyń lıderi Aleksıs Sıpras dúısenbi, 26 qańtar kúni Grekııanyń jańa premer-mınıstri retinde ant qabyldady. Bul týraly TASS habarlady.
«Qalyptasqan dástúrge saı Aleksıs Sıpras Grekııa zańdaryn saqtaýǵa jáne grek halqynyń múddesi úshin qyzmet etýge ant berdi. Saltanat prezıdent saraıynda memleket basshysy Karolos Papýlıastyń qatysýymen ótti», -dep atap ótti agenttik.
Grekııa ishki ister mınıstrliginiń málimeti boıynsha, kezekten tys parlament saılaýynda «Sırıza» partııasy jeńiske jetken. Ol saılaýshylardyń 36,34 paıyzdyq qoldaýyna ıe bolyp, parlamenttegi 300 orynnyń 149-n alǵan.
Premer-mınıstr Antonıs Samaras basqaratyn ońshyl sentrıst «Novaıa demokratııa» partııasy 27,81 paıyzdyq daýysqa (76 oryn) qol jetkizdi. Úshinshi orynda – ásire ońshyl «Hrısı Avgı» («Altyn araı»). Ol 6,28 paıyz daýys jınap, 17 oryndy enshiledi. Budan 6,05 paıyzdy (17 oryn) ýltra sentrıstik «Potamı» («О́zen»), 5,47 paıyzdy (15 oryn) Grekııa kommýnıstik partııasy, 4,75 paıyzdy (13 oryn) ońshyl sentrısti «Táýelsiz grekter» (ANEL) partııasy 4,68 paıyzdy (13 oryn) Búkilgrektik sosıalıstik qozǵalysy (PASOK) tur.
«Sırıza» partııasynyń lıderi Aleksıs Sıpras túpkilikti jeńiske jetken jaǵdaıda Halyqaralyq valıýta qory men Eýropa odaǵy sekildi halyqaralyq kredıtorlar engizgen qatań únemdeý saıasatynan bas tartatynyn málimdedi.
Murat Aıtqoja.
Derek, foto: TASS.