Túrkistanda Túrki memleketteri uıymyna múshe elderdiń qaýipsizdik keńesteri hatshylarynyń úshinshi kezdesýi ótti. Jıynǵa Qazaqstan Respýblıkasy Qaýipsizdik keńesiniń hatshysy Ǵızat Nurdáýletov qatysty. Kezdesý barysynda taraptar TMU keńistigindegi qaýipsizdik pen turaqtylyq salasyndaǵy ahýal jóninde pikir almasty.
Jıynda terrorızm men ekstremızmge, qarý men esirtkiniń zańsyz aınalymyna, transulttyq uıymdasqan qylmysqa qarsy is-qımyl úshin yntymaqtastyqty damytý máseleleri talqylandy. Sondaı-aq halyqaralyq aqparattyq qaýipsizdikti qamtamasyz etý, kólik-logıstıka ınfraqurylymyn damytý aspektileri qarastyryldy.
Ǵızat Nurdáýletov lańkestik qaýip-qaterler týraly turaqty jáne tıimdi aqparat almasý, halyqaralyq terrorıstik uıym qataryndaǵy sodyrlar men rekrýttar qozǵalatyn, sondaı-aq lańkestik áreketti qarjylandyratyn túrli arnalardyń jolyn kesý boıynsha ózara kelisilgen is-qımyl júrgizýdiń mańyzdy ekenin atap ótti. Onyń aıtýynsha, qazirgi kezde sheteldik ınternet-resýrstardy paıdalana otyryp jasalatyn transulttyq qylmystarǵa qarsy kúresýdiń, sondaı-aq kıberqaýipsizdik deńgeıin arttyrýdyń mańyzy arta tústi.
Buǵan qosa jıynda kólik qaýipsizdigin, sonyń ishinde óńirdegi elderdi ózara jalǵaıtyn kólik-logıstıka baǵyttarynyń ornyqty jumys isteýin qamtamasyz etý máselesi óte ózekti ekenine nazar aýdaryldy.
TÚRKISTAN