Jambyl oblysynyń ákimi Erbol Qarashókeev Fransııa astanasy Parıjde ótken HVII jazǵy Paralımpıada oıyndarynda júzý sportynan kúmis júlde ıelengen Nurdáýlet Jumaǵalı men V Dúnıejúzilik kóshpeliler oıynynda top jarǵan jambyldyq sańlaqtarǵa qurmet kórsetti.
Jambyldyq sport jankúıerleri aldymen Nurdáýlet Jumaǵalıdi «Áýlıeata» áýejaıynan zor qoshemetpen qarsy aldy. Saltanatty is-sharada sóz alǵan óńir basshysy E.Qarashókeev tórtjyldyqtyń basty dodasynda kúmis júlde ıelengen jampozdy tolaıym tabysymen quttyqtady.
«Jahan jurty kóz tikken baıraqty básekede el mereıin asyrdyń. Seniń bul tabysyńa jerlesteriń de qatty qýandy. Biz seni maqtan tutamyz. Álem jurty asyǵa kútken aıtýly alamanda erik-jigerińdi kórsettiń, tabandylyq tanyttyń. Paralımpıada oıyndarynyń eki dúrkin kúmis júldegeri atanýyńmen shyn júrekten quttyqtaımyn. Olımpıada chempıony Eldos Smetovtiń jeńisti jolyn jalǵap, kelesi Paralımpıada oıyndarynyń chempıony bolýyńa tilektespin», dedi óńir basshysy.
Is-shara barysynda oblys basshysy demeýshiler atynan Nurdáýlet Jumaǵalıge eki bólmeli páter kiltin tabystady. Sondaı-aq «Tayota camry 75» avtokóliginiń kiltin tapsyrdy.
Bul kúni iri alamandarda top jaryp júrgen sańlaqtyń jeke jattyqtyrýshysy Sattar Beısembaevqa da qurmet kórsetildi. Tuńǵysh Paralımpıada chempıony, júzý sportynyń sheberi Zúlfııa Ǵabıdýllına men Nurdáýlet Jumaǵalıdi jeńistiń bıik tuǵyryna bastap júrgen bapkerge «Haval M6» avtokóligi tartý etildi.
Paralımpıada oıyndaryna Jambyl óńirinen tórt sportshy qatysty. Solardyń ishinde para júzý sheberi Nurdáýlet Jumaǵalı brass ádisimen 100 metr qashyqtyqqa júzýde kúmis júlde ıegeri atandy.
О́ńir basshysy Astana tórinde ótken V Dúnıejúzilik kóshpeliler oıyndarynda úzdik shyqqan jambyldyq sańlaqtardy qabyldap, el namysyn abyroımen qorǵaǵan saıypqyrandarǵa laıyqty túrde qurmet kórsetti.
Kóshpeliler oıyndaryna óńirden 17 sportshy qatysty. Olar 7 altyn, 7 kúmis, 3 qola júldeni qorjynǵa túsirdi. Dýy basym dodada úzdikter qatarynan kóringen saıypqyrandardyń barlyǵyna qarjylaı syı-sııapat tabystaldy.
Jambyl oblysy