Abaı aýdanyndaǵy Orlov shahtasynda taý jynysy opyrylyp, saldarynan kásiporynnyń qyzmetkeri qaza taýyp, taǵy birine medısınalyq kómek kórsetilgen, dep habarlaıdy Egemen.kz.
«2024 jyldyń 19 qyrkúıeginde saǵat 14:20 shamasynda kásiporynnyń eki qyzmetkeri zardap shekti. Aldyn ala sebep - tas massasynyń opyrylýy. Zardap shekkenderdiń biri alǵan jaraqattarynan aýrýhanada kóz jumdy. Ekinshisine medısınalyq kómek kórsetilgen soń úıine qaıtaryldy», dep habarlady kompanııadan.
Qaıǵyly oqıǵanyń mán-jaıyn anyqtaý úshin arnaıy komıssııa qurylǵany habarlandy. KAZ Minerals Group dırektorlar keńesiniń tóraǵasy Oleg Novachýk apatty tergeýge jeke qatysý úshin Orlov shahtasyna barǵan.
«KAZ Minerals tobynyń basshylyǵy men ujymy marqumnyń otbasy men jaqyndaryna qaıǵyryp kóńil aıtady. Kompanııa marqumnyń otbasyna jan-jaqty kómek kórsetedi», dep atap ótti kompanııa ókilderi.