Saýda jáne ıntegrasııa mınıstri Arman Shaqqalıev «Atameken» Ulttyq kásipkerler palatasynyń, bólshek saýda jáne qoǵamdyq tamaqtaný salasyndaǵy qoǵamdyq birlestikterdiń, sondaı-aq bıznes-qoǵamdastyqtyń ókilderimen kezdesti. Kezdesýde meıramhanalar men dámhanalarda kelýshilerge qyzmet kórsetkeni úshin 10% tólem alý tájirıbesiniń zańdylyǵyn, sondaı-aq depozıttik júıe máseleleri talqylanǵan, dep habarlaıdy Egemen.kz.
Mınıstrdiń aıtýynsha, Qazaqstannyń Azamattyq kodeksine sáıkes, qoǵamdyq tamaqtaný salasynda as mázirin usyný jarııa oferta ekenin, sondaı-aq qyzmet kórsetý úshin aqy tóleý qajettiligi týraly aqparat as mázirinde kórsetilýge tıis ekenin eske saldy. Eger ondaı aqparat bolmasa, onda tólemaqy alý zańsyz dep eseptelinetinin tilge tıek etti.
«Kelýshilerge qyzmet kórsetkeni úshin zańsyz aqy alýdy boldyrmaý úshin Ishki saýda erejesine ózgerister engizildi. Endi meıramhanalar qyzmet kórsetý aqysyn tek mázirde kórsetilgen jaǵdaıda ǵana ala alady. Sondaı-aq, «depozıttik júıege» tyıym salatyn erejeler aıtyldy. Kelýshiler úshin kirý tegin bolyp qalady, alaıda qosymsha qyzmetter úshin, mysaly, VIP-kabına, karaoke-kabına úshin aqy alýǵa bolady», dedi Arman Shaqqalıev.