Almaty oblysynyń prokýratýrasy taldaý jumystary barysynda jumysshylardyń zeınetaqy quqyqtary buzylǵandyǵyn anyqtady, dep habarlaıdy Egemen.kz.
Eske sala keteıik, jyl basynan beri Áleýmettik kodekstiń jańa erejeleri qoldanysqa engizildi, oǵan sáıkes jumys berýshiler jumyskerlerdiń tabysynyń 1,5%-yn zeınetaqy qoryna qosymsha tóleýge mindetti. 2028 jylǵa qaraı bul mólsherleme birtindep 5%-ǵa deıin kóteriledi.
«Júrgizilgen taldaý kórsetkendeı, kóptegen jumys berýshi bul ózgerister týraly bilmegen, atap aıtqanda 718 kompanııa 12 myń jumyskerge zeınetaqy qoryna jarna tólemegen», dep túsindirdi oblystyq prokýratýra.
Qabyldanǵan sharalar nátıjesinde kompanııalar habarlandyrylyp, jumyskerlerdiń zeınetaqy quqyqtary qalpyna keltirilgen. Qazirgi tańda jumys berýshiler zeınetaqy qoryna 120 mln teńgeden astam somany aýdarǵany belgili boldy.