Mańǵystaý oblysynyń turǵyny jedel járdem men polısııa qyzmetkerlerine kúsh qoldanǵan. Aldyn ala keltirilgen derekke sáıkes, ol bir áıelge qol jumsap, zardap shegýshi syrttan kómek suraýǵa májbúr bolǵan, dep habarlaıdy Egemen.kz.
О́ńirlik polısııa departamentiniń baspasóz qyzmeti atalǵan oqys oqıǵa 20 qyrkúıekte Beıneý aýdanynda tústen keıin bolǵanyn málim etti.
«Bılik ókiline qatysty qater tóndirý nemese zorlyq-zombylyq faktisi boıynsha sotqa deıingi tergeý sharalary qolǵa alyndy. Er adam ustalyp, ýaqytsha ustaý ızolıatoryna qamaldy. Ol mas bolyp, zańsyz áreketterdiń jolyn kesý kezinde polıseılerge qarsylyq tanytqan», delingen habarlamada.
Lada.kz-tiń habarlaýynsha, jedel járdem qyzmetkerleri dosy basyna áınek suǵyp alǵanyn aıtyp, qońyraý shalǵan 40 jastaǵy áıeldiń jaǵdaıy boıynsha shaqyrtý ornyna attanǵan. Dárigerler oqıǵa ornyna jetkende er adam jedel járdem kóliginiń áınegin syndyryp, feldsherlerge de tap bergen.