Qazaqstandyq tennısshi Elena Rybakına densaýlyǵyna baılanysty taǵy bir iri jarysqa qatysa almaıtyn boldy. Otandasymyz arqasynan alǵan jaraqatyna baılanysty Qytaıda ótetin WTA 1000 - China Open týrnırinen bas tartty, dep habarlaıdy Egemen.kz.
Qazaqstandyq tennısshiniń qatyspaıtynyn jarys uıymdastyrýshylary rastady. Olar týrnır kestesine eskertý jarııalady. WTA 1000 - China Open týrnıri 25 qyrkúıekten 6 qazanǵa deıin jalǵasady.
Byltyr Elena Rybakına bul týrnırde jartylaı fınalǵa deıin jetken. Endi sol jyly alǵan upaıyn qorǵaı almaıdy. Tıisinshe, 390 upaıynan aıyrylady.