«Nurly Jol» – máni zor mańyzdy baǵdarlama

Memleket basshysy Nursultan Nazarbaev «Nur Otan» partııasy Tóra­ǵasy­nyń birinshi orynbasary Baýyrjan Baıbekti qabyl­dady, dep habarlady Pre­zı­denttiń baspasóz qyzmeti. Kezdesý barysynda B.Baıbek Mem­leket basshysy – partııa Tóra­ǵasyna par­tııa qyzmetin jetil­dirý jáne qaıta qalyptaý jumys­tary­nyń nátıjesi týraly baıandady. Qazaqstan Prezıdenti partııa Saıası keńesiniń keńeıtilgen otyrysyn­da aýqymdy «Nurly Jol» baǵdar­lama­sy qabyl­danǵanyn, ol álemdik ekonomı­kada­ǵy daǵ­da­rys­tyq qubylystarǵa qarsy is-qımyl jasaýǵa baǵyttalǵanyn atap ótti. – Bul baǵdarlama partııanyń qoldaýy aıasynda júzege asyrylatyn bolady, óıtkeni, onyń bedeli bar, búkil elimiz boıynsha kóptegen adamdar partııa sapynda tur. «Nurly Joldy» qabyldaý – eldiń bolashaq damýy men ha­lyqtyń ıgiligi úshin zor máni bar mańyzdy shara. Osyǵan baılanys­ty partııa bastaýysh uıymdarǵa súıene otyryp, halyqqa túsindirý jumystaryna den qoıýy tıis, – dedi Memleket basshysy. Nursultan Nazarbaev ınfra­qu­rylymdy sapaly damytý, jumys oryndaryn qurý, shaǵyn jáne orta bızneske memleket tarapynan ilkimdi qoldaý kórsetý «Nurly Jol» baǵdarlamasynyń mindetterine kiretinin aıtty. – Kásipkerler nesıemen qam­tamasyz etilýde, bıznes ashý­ǵa jaǵdaı jasalyp, tekserýler sany azaıýda. Barlyq keder­g­iler joıy­lýda. Jalpy, kásip­ker­lik In­dýs­trııalyq-ınnova­sııa­lyq da­mý, «Nurly Jol» baǵdar­la­ma­lary, jol jáne baspana qury­­lysy, turǵyn úı-kommýnal­dyq sha­rýa­shylyqty jańǵyr­týlar arqy­ly usynylatyn múmkindikterdi paıdalanýy tıis. Eger partııa Ulttyq kásip­kerler palatasymen osy ba­ǵytta tyǵyz yqpaldasatyn bolsa, qajetti nátıjelerge qol jetedi. Eko­no­mıkany damytý arqyly halyq­tyń ál-aýqatyn jaq­sar­tý úshin jumys isteý qajet, – dedi Qazaq­stan Prezıdenti. Tóraǵanyń birinshi orynba­sary par­tııanyń saılaýal­dy tu­ǵyr­namasyndaǵy mindet­te­me­leriniń is júzinde 70 paıyzǵa jýyǵy oryn­­dal­ǵanyna toqtaldy. Ol Mem­­leket bas­­shy­sy­na Sybaı­las jem­­­qor­­­lyq­­­qa qarsy is-qımyl baǵ­dar­­lamasyn júzege asyrý jónin­degi jol kartasynyń bekitilgenin de aıtty. B.Baıbek, sonymen qatar, «Nur­­ly Jol» baǵdarlamasyn jú­ze­ge asyrý isine partııanyń qaty­sýy týraly baıandady. – Sizdiń tapsyrmańyzǵa sáıkes, Má­jilistegi jáne máslıhattardaǵy partııa fraksııalarynda «Nurly Jol» baǵdar­lamasynyń oryndalýy men Ulttyq qor qarjysynyń paıdalanylýyn qadaǵalaıtyn 4 komıssııa quryldy, – dep habarlady partııa Tóraǵasynyń birinshi orynbasary. B.Baıbek Prezıdentke partııa múshe­leri baǵdarlamany tabysty oryn­daý úshin bar kúsh-jigerlerin jumyldyratynyn aıtty. Kezdesý qorytyndysy boıynsha Mem­leket basshysy birqatar naqty tapsyrmalar berdi.