О́skemende ǵana emes, Shyǵys óńirinde alǵash ret kitap festıvali ótti. Arbatta ótken sharada qala turǵyndary men qonaqtaryna túrli kitap tanystyryldy.
Rýhanı is-shara Mádenıet basqarmasynyń bastamasymen, Pýshkın atyndaǵy oblystyq kitaphananyń uıymdastyrýymen júzege asty. Merekege qaladaǵy basqa da kitaphanalar, murajaılar, teatr, kitap dúkenderi, bilim uıymdary qoldaý kórsetti. Festıval óńirde kitap oqý mádenıetin damytýǵa baǵyttalǵan mańyzdy qadam boldy.
Kitap festıvalinde mereke qonaqtary «Shabyt» jastar teatrynyń tebireniske toly qoıylymyn tamashalap, jazýshy Jádı Shákenuly men Genadıı Pýsseptiń jańa shyǵarmalarynyń, sondaı-aq, oblystyq aýqymdy ádebı joba – «Abaı álemi» kitaptar toptamasynyń» 2024 jylǵy jańa shyǵarylymynyń tusaýkeserine qatysty. 2018-2024 jyldar aralyǵynda «Abaı álemi» kitaptar toptamasymen barlyǵy 76 389 dana 110 kitap jaryq kórdi. Bıyl 12 avtordyń shyǵarmasy men úsh jınaq, ıaǵnı 15 kitap oqyrmanǵa jol tartty.
Túrli taqyryptyq lokasııalar barlyq jastaǵy kelýshilerge merekelik kóńil kúı syılady. Oqyrmandarǵa mazmuny men formasy alýan túrli kitap kórmeleri men ınstallıasııalar usynyldy. Oblystyq mýzeıler qoryndaǵy jerles jazýshylardyń jeke zattarynyń kórmesi, jerles jazýshylar shyǵarmalarynyń «QR» kórmesi, jasandy ıntellekt múmkindikteri paıdalanylǵan «Shyǵys Qazaqstannyń ańyz-ápsanalary» balalar sýretteriniń ınteraktıvti kórmesi kópshiliktiń nazaryn aýdardy.
Rýhanı is-shara bıyl 100 jyldyq mereıtoıy toılanyp jatqan Berdibek Soqpaqbaevtyń «Meniń atym – Qoja» povesi jelisimen túsirilgen fılmdi tamashalaýmen aıaqtaldy.
О́SKEMEN