О́skeleń urpaqqa óris keń

Elbasy Nursultan Nazar­baev «Astana» veloko­man­dasynyń bas menedjeri Alek­sandr Vınokýrovty qabyl­dady, dep habarlady Pre­zıdenttiń baspasóz qyzmeti. Kezdesýde velokomandanyń qazirgi maýsymdaǵy mindetteri, eldegi velosıped sportynyń damý perspektıvalary talqylandy. Memleket basshysy Qazaq­stan­­da velosportty damytý já­ne keńi­nen tanytý úshin qajet­ti barlyq jaǵdaı jasalyp jatqa­nyn aıtty. – Astanada múmkindikteri jaǵy­nan eń úzdikterdiń biri sana­latyn «Saryarqa» respýb­lı­kalyq velo­tregi salyndy. Joǵary nátıjeler kórsetip júr­gen kásibı velokomanda quryldy, – dedi Qazaqstan Prezıdenti. Nursultan Nazarbaev óskeleń ur­paqty velosıped sportyna baý­lý­dyń mańyzdylyǵyn da atap ótti. A.Vınokýrov komandanyń tabystary týraly, sonymen qatar, Velosıpedshilerdiń halyqaralyq odaǵynyń bastamasymen ótetin «Týr Almaty» jarysyna degen qyzyǵýshylyqtyń ósip kele jatqandyǵy týraly áńgimeledi. – Velokomandamyz bıyl onyn­shy maýsymyn ótkizedi. Biz ózimiz qatysyp júrgen barlyq jarys­tar­da jeńýge tyrysamyz. Eýro­pada eleýli jarystardyń barly­ǵyn­da jeńip, jaqsy bedelge ıe bol­dyq, – dedi velokomandanyń bas menedjeri. Kezdesý barysynda A.Vı­no­kýrov Memleket basshysyna byltyr «Týr de Frans» kópkúndik velobáıgesinde jeńiske jetken «Astana» velokomandasynyń maıkasyn tartý etti.