Astanada Syǵanaq kóshesi men Máńgilik el dańǵylyǵynyń qıylysy ýaqytsha jabylady, dep habarlaıdy Egemen.kz.
Qala ákimdiginiń habarlaýynsha, Syǵanaq kóshesi men Máńgilik el dańǵylynyń qıylysyndaǵy kópirdiń ústinde jóndeý jumystary júrgiziledi.
«Astana qalasynyń Kólik jáne jol-kólik ınfraqurylymyn damytý basqarmasy MM Syǵanaq kóshesi - Máńgilik El dańǵylynyń qıylysyndaǵy kópirde jaıaý júrginshiler plıtalaryn bólshekteý boıynsha jóndeý jumystary júrgiziledi», delingen habarlamada.
Osyǵan baılanysty, 26 qyrkúıekte saǵat 00:00-den 06:00-ge deıin jáne 27 qyrkúıekte saǵat 00:00-den 06:00-ge deıin joǵaryda atalǵan qıylys tolyǵymen jabylady.