Ekologııaǵa paıdaly sheshim qajet

M.Áshimbaev óz sózinde qazir­gi tańda búkil álem klımattyń óz­gerýinen jáne ekologııanyń na­shar­laýynan týyndaıtyn prob­lemalarmen betpe-bet kelip otyr­ǵanyn atap ótti. Bıyl Qazaq­standa bolǵan sý tasqyny da klı­mattyń ózgerýiniń bir sal­­dary ekeni aıtyldy. Bul jaǵ­daı­da ekologııaǵa tıgizetin sal­dar­dy azaıtatyn jáne ener­gııa­­ǵa zııan keltirmeıtin tıimdi she­shimder qajet ekeni sóz boldy.

Shtab músheleri «Prı­rechnoe agrofırmasy» JShS-niń bazasynda oblystaǵy aýylsharýashylyq ónim­derin óndirýshilermen júzdesti. Bu­ǵan qosa «Eıkos» JShS-nyń kásip­­ker­lerimen jáne qyz­metker­leri­men, sondaı-aq kom­­mýnal­dyq sek­tor kásip­oryn­darynyń ujym­dary­men kezdesýler ótkizip, kóteril­gen máse­lelerdi keńinen talqyla­dy. Qatysýshylar atalǵan prob­le­ma­lardyń mańyzyna nazar aýda­ryp, elimizde qalyptasqan ekologııa­lyq túıt­kil­der men energııa tapshy­lyǵy­na qatys­ty máseleni júıeli sheshý qajet ekenin aıtty.

«Prezıdent Qasym-Jomart Toqaev Joldaýda atap ótkendeı, 6 qazanda Qazaqstanda AES salý máselesine qatysty res­pýblıkalyq re­ferendým ótedi. Búginde búkil álem klımattyń ózgerýine baılanys­ty qıyn­dyqtarǵa tap bolyp otyr. Kún saıyn aýa raıy ózgerip jatyr. Qorshaǵan ortanyń ahýalyn da bári­miz kórip otyrmyz. Bıyl Qazaqstan­da bolǵan alapat sý tasqyny da – sondaı ózgeristerdiń saldary. Mundaı jaǵdaıda ekologııaǵa tıgizetin saldardy azaıtatyn jáne energııaǵa zııan keltirmeıtin tıimdi sheshimder qajet», dedi palata spıkeri.

Sonymen qatar kezdesýler barysynda ekologııalyq qaýipsizdik máselesin sheshý keshendi tásildi jáne múddeli taraptardyń qatysýyn talap etetini atalyp ótti. О́ıtkeni bul sala barlyq mańyzdy baǵytpen tyǵyz baılanysty. Osy oraıda ǵylymǵa baǵdarlanǵan tásil­ge jáne qazirgi álemdik táji­rıbeni zerdeleýge erekshe nazar aýdarǵan jón. Atap aıtqanda, bul iste jańa tehnologııalardy zerdeleý jáne óndiriske ınnovasııany engizý qajet. Muhtar Áýezov atyndaǵy pedagogıka­lyq kolledjde ótken kezdesýde bi­lim berý salasynyń ókilderi atal­ǵan ustanymdy qoldaıty­nyn bildirdi.