2025 jylǵa deıin Astanadaǵy 109 memlekettik mektep zamanaýı qaýipsizdik júıesimen jabdyqtalady. Bul týraly elorda máslıhatynyń otyrysynda Astana ákiminiń orynbasary Evgenıı Glotov aıtty, dep habarlaıdy Egemen.kz.
Evgenıı Glotov Astana qalasynyń bilim basqarmasy qaýipsizdik júıesine ınvestısııa salý úshin birqatar iri kompanııalarmen kelissózder júrgizilip jatqanyn tilge tıek etti.
«Jyl sońyna deıin barlyq zań rásimderin aıaqtap, barlyq 109 memlekettik mektepti 2025 jyl ishinde beınebaqylaý, qoljetimdilikti baqylaý, dabyl jáne órt túımeleri turǵysynan qaýipsizdiktiń eń joǵary deńgeıine jetkizemiz», dedi ol.
Qala ákiminiń orynbasary atap ótkendeı, beınebaqylaýlar Jedel basqarý ortalyǵyna (JBO) qosylady.