Iskerlik baılanystar ornatý qolǵa alyndy

Býharest qalasynda Qazaq­stannyń Rýmynııadaǵy el­shisi Dáýlet Batyrashev Rýmy­nı­ıa­nyń Saýda-ónerkásip pala­ta­synyń (SО́P) prezıdenti Mı­haı Darabanmen kezdesti. Kez­desý barysynda Qazaqstan men Rýmynııa saýda-ekonomıkalyq ynty­maq­tas­ty­ǵynyń damý múmkin­dik­teri, sonyń ishinde eki el saýda-óner­ká­sip palatalary baǵyty bo­ıyn­sha yqpaldastyǵy jaıy talqylandy. Taraptar Qazaqstan men Rýmynııa­nyń jáne jalpy Ortalyq Azııa men Shyǵys Eýropa óńirleriniń ekono­mı­kalyq jaǵdaıy jóninde pikir almas­ty. Týrızm, aýyl sharýashylyǵy, qury­lys, kóliktik-tranzıt salalaryn­da ekijaq­ty ekonomıkalyq baıla­nys­tardyń qolda bar, biraq toly­ǵy­men júzege asyrylmaǵan múmkin­dikterin, Qazaqstan men Rýmynııa arasyndaǵy syrtqy saý­da kóleminiń eleýli ósýin atap ótti. Osy oraıda, qazaqstandyq dıplomat M.Darabandy elimizdiń ekonomıkalyq áleýetin tolyq kór­setetin Prezıdent N.Á.Nazar­baev­tyń «Nurly Jol» Joldaýynyń, «Qazaqstan-2050» Stra­tegııasynyń, 2015-2019 jyldarǵa arnalǵan ındýstrııalyq-ınnovasııalyq damý baǵdarlamasynyń negizgi qaǵıda­lary jóninde habardar etti. M.Daraban Qazaqstan men Rýmy­nııa­nyń iskerlik toptary arasyndaǵ­y ekijaqty baılanystardy nyǵaıtý men arttyrýǵa múddeliligin bildirdi. Onyń aqparaty boıynsha, Rýmynııa SО́P quramyna eldiń 630 myńǵa jýyq shaǵyn jáne orta bıznestiń múshe­leri kiredi. Sonymen qatar, ol Qazaq­stannyń Konstansa teńiz portynyń termınaldaryn (júk, munaı jáne astyq) paıdalaný múmkindigin qaras­tyrýdy usyndy. Kelissózder qorytyndylary bo­ıyn­­sha, eki el kásipkerleri arasynda tikeleı baılanystar ornatý maq­satynd­a Qazaqstannyń Syrtqy saýda pala­tasy­nyń basqarma tóraǵasy S.Esim­bekovtiń Býharestke sapary týraly jáne Qazaqstan men Rýmynııa isker toptary bıznes-forýmynyń ótkizilýi jóninde ýaǵdalastyqtarǵa qol jetkizildi. Kezdesýge, sonymen qatar, Qazaq­stan­nyń Qurmetti konsýly Petrý Lıfıchıý men SО́P-tiń halyqaralyq máseleler jónindegi keńesshisi, elshi Petrý Rýssý qatysty. «Egemen-aqparat».