Beıbitshilik jáne kelisim saraıynda Qazaqstan musylmandary dinı basqarmasy Astana qalasy ókildiginiń uıymdastyrýymen «Paıǵambar – izgi qoǵam jarshysy» atty Máýlit keshi ótti, dep habarlaıdy Egemen.kz elorda ákimdiginiń baspasóz qyzmetine silteme jasap.
Máýlit keshi Bas múftı Naýryzbaı qajy Taǵanulynyń sózimen saltanatty túrde ashyldy. QMDB tóraǵasy elorda jurtshylyǵyn Máýlit aıymen quttyqtady.
«Qasıetti Máýlit barshamyzǵa múbarak bolǵaı! Bizdiń jyl saıyn asyǵa kútetin Máýlit merekesinde qaýyshyp, kóriskenimizge shyn júrekten qýanyshtymyz», dedi Naýryzbaı qajy Taǵanuly.
Keshte qasıetti Máýlit jyry oqylyp, eldiń amandyǵy úshin duǵa jasaldy. Sondaı-aq áserli jyr - termeler oryndaldy. Sol sııaqty kesh kórermenderi úshin arnaıy kórme de uıymdastyryldy.
Aıtýly keshte belgili ánshi, kompozıtor Qurmash Mahan án shyrqap, «Nomad» etno-folklorlyq ansambli óner kórsetti.
Sondaı-aq Astana Musical teatrynyń akterleri túrli taqyryptarda qoıylymdar usyndy.
Máýlit keshiniń bıletterinen túsken qarajat tolyqtaı qaıyrymdylyqqa arnalyp, kesh sońynda 10 adamǵa «Máýlit syılyǵy» berildi.QMDB osy jyldy din salasynda «Islam jáne dástúr qundylyǵy jyly» dep jarııalady.