ASTANA. 15 maýsym. Búgin Bas prokýror Ashat Daýylbaev Eýropadaǵy qaýipsizdik jáne yntymaqtastyq uıymynyń Az ulttar isteri jónindegi joǵarǵy komıssary Astrıd Týrs hanymmen kezdesti. Bul týraly Bas prokýratýranyń baspasóz qyzmeti habarlady.
Ashat Daýylbaev joǵarǵy komıssardy ultaralyq kelisimdi qamtamasyz etý jáne az ulttardyń quqyqtaryn buzýǵa jol bermeý sharalary jóninde habardar etti.
Kezdesý barysynda adam quqyqtaryn saqtaýdyń ózekti máseleleri talqylandy. Til týraly zańnyń qoldanylýy, sondaı-aq, ulttyq jáne tildik belgiler boıynsha kemsitýshilik máseleleri de áńgimege arqaý boldy.
Astrıd Týrs hanym kezdesý aıasyndaǵy mazmundy pikir almasýǵa jáne adam quqyqtaryn qorǵaý salasyndaǵy qol jetkizgen yntymaqtastyq pen ózara belsendi yqpaldastyqqa rızashylyǵyn bildirdi.
О́z kezeginde Daýylbaev Qazaqstannyń Bas prokýratýrasy osy baǵyttaǵy dıalogqa jáne birlesken jumystardy jalǵastyrýǵa daıyn ekendigin aıtty.
Elaman Qońyr.
Derek, sýret: Bas prokýratýranyń baspasóz qyzmeti.