MAMANDAR QATARY TOLYQTY

Elimizdegi ekonomıkalyq qyl­­mys jáne sybaılas jemqor­lyq­­pen kúres júrgizetin qyzmet­ker­ler qatary jańa lekpen to­lyqty. Olardyń ishinde keden mamandary da bar. Ashylǵanyna on bir jyl tolǵan Qarjy polı­sııa­synyń akademııasy osymen toǵyzynshy ret tolyqqandy daıar­lyqtan ótken tú­lekterin shyǵaryp, órisin keńeıt­ti. Jalpy bıyl, tutastaı alǵanda, 101 túlek tórt jylǵy oqýlarynyń qory­tyn­dysyn sátti aıaqtap, “leı­te­nant” pogonyn taq­ty. Endi olar, joǵaryda aıtqa­ny­myzdaı, oıy aram, qoly las jan­dar­dyń jo­lyn qııý úshin tıisti mem­lekettik organdarda qyzmet atqarý quqyǵyna ıe bolyp, arnaıy joldama aldy. Alaıda, osy júzden asa tú­lek­tiń mundaı abyroıly da jaýapty iske qol jetkizýleri úshin kóptegen talap pen mindetterdi oryndap, birqatar belesterden ótýlerine týra keldi. Bul olardyń mektep qabyrǵasynan shyǵyp, akademııa tabaldyryǵyn attaǵan kezeńinen bastaý alǵan edi. Sol oqý jylda­ryn­da erteńgi kúni jem­qor qyl­myskerlerdi áshkere­leýde ne istep, ne qoıý qajettigin útir, núktesine deıin shaǵýdaı shaǵyp úırenip, oılary men boılaryna sińirip aldy. Endigi mindet – memleket bergen bilim men tájirıbeni halyq ıgiligi úshin jarata bilý. Bul talap úrdisinen tabyla alǵan jas maman­nyń baǵy odan ári jana túseri anyq, al tabyla almasa, memleket­tiń tórt jyl boıy baǵyp-qaqqan, oqytyp-toqytqan qarjysyn qaı­ta­ryp alýǵa qaqysy bar. Son­dyq­tan oqaly kıim kıip, ıyqtaryna qos juldyz taqqan, júrekterinde qýanysh, keýdelerin­de senim bar jas mamandarǵa aldaryna taýdaı ta­lap jáne zor mindet qoıylyp otyr­ǵanyn esten shyǵarmaǵandary abzal. Erteńgi kúnderine bek senimdi 101 túlektiń 24-i elimizdiń keden salasyna baryp, qyzmet etedi dep kútilýde. Olardyń bári de mem­le­ketimizdiń ekonomıkalyq qaýip­siz­di­gin qamtamasyz etý úshin ju­mys isteıtin bolady. Sóıtip, aka­demııa azdaǵan jyldar ishinde qu­qyq qorǵaý organdary úshin qajet­ti maman­dardy daıarlap shyǵaratyn ózindik biregeı oqý orny ekenin dáleldep berdi. Sonyń arqasynda TMD elderi bilim berý qyzmeti ry­nogyn­da tanylyp, jalpy, quqyq qorǵaý júıesiniń maman­dan­dyrylǵan joǵary oqý oryndary arasynda bedeldileriniń birine aı­naldy. Bul týraly jas túlekterdiń “Quqyq qor­ǵaý qyzmeti” maman­dyǵy boıyn­sha kópten kútken dıplomdaryn tapsyrýǵa kelgen Ekonomıkalyq qylmysqa jáne sybaılas jem­qorlyqqa qarsy kúres agenttigi men Qarjy polısııasy akademııasynyń basshylyǵy aıtyp ótti. Bizdiń zań jáne ekonomıka salasyndaǵy myqty jáne bilikti ǵalymdardyń bilimderimen sý­syn­­daǵan túlekterimiz memleketi­miz­diń ekonomıkalyq qaýipsiz­digin jáne quqyqtyq tártibin arttyrý tıim­diligine laıyqty úles qosatynyna senim bildire­miz, – deıdi Qarjy po­lısııasy akademııasy basty­ǵy­nyń mindetin atqarýshy Serik Shoqataev. Aleksandr TASBOLATOV,  ASTANA.