ShYMKENT. 15 maýsym. Kentaýda kóp qabatty úılerdiń birinde órt shyǵyp, saldarynan 21 adam zardap shekti. Bul týraly Ońtústik Qazaqstan oblystyq tótenshe jaǵdaılar departamentiniń baspasóz qyzmetine silteme jasaǵan egemen.kz tilshisi habrlady.
Atalǵan departament taratqan málimetke súıensek, 13 maýsymda saǵat tańerteńgi 04:00-de kóp qabatty úı otqa oranǵan. Tilsiz jaý tek eki saǵattan keıin óshirildi. О́rt saldarynan 4 adam jansaqtaý bólimine tústi jáne bir adam hırýrgııalyq bólimge jatqyzyldy. Sondaı-aq,16 adam medısınalyq kómekke júgingen.
Zardap shekkenderdiń 12-si bala. 5 jáne 3 jastaǵy eki bala azdaǵan kúıiktermen aýrýhanada jatyr. Al dárigerler birneshe táýlikten beri eki adamnyń ómirin ajaldan aman alyp qalý úshin kúresýde. «Jasy 67-degi áıel men onyń 8 jastaǵy nemeresi kúıik shalyp qana qoımaı, ıis tıgen. Ekeýi de es-tússiz jatyr», – deıdi Kentaý qalalyq klınıkalyq aýrýhana dárigerleri.
О́rtti sóndirýge 41 qutqarýshy, AIID 100 qyzmetkeri jumyldyryldy, 6 jedel járdem brıgadasy ázir turdy. Úsh páter tolyǵymen órtenip ketti. Jalyn 129 sharshy metrdi qamtydy.
Kentaý ákimdigi páterlerdi jóndeýge kómek berip, demeýshilerdi tartýǵa ýáde berdi. Oqıǵa ornynda arnaıy komıssııa jumys isteýde. Jalynnyń tutaný sebepteri anyqtalýda. Aldyn ala derekter boıynsha órt 3 qabattan shyqqan.
Baqtııar Taıjan.
Derek, sýret: egemen.kz.