Aqtóbe oblysynda jeńil kólikter tıelgen júk mashınasy órtendi. Kólik júrgizýshisi men oǵan kómekke umtylǵan kýáger zardap shekti, dep habarlaıdy Egemen.kz.
Tótenshe jaǵdaılar mınıstrliginiń málimdeýinshe oqıǵa Samara-Shymkent tasjolynda bolǵan. О́rttiń shyǵýyna júkkóliginiń qozǵaltqysh bóliginiń isten shyǵýy sebep bolǵan.
О́rtsóndirýshiler úsh kólikti aman alyp qaldy, qalǵan úsh kólik jalynǵa orandy.
«Oqıǵa kezinde 1996 jyly týǵan júrgizýshi jáne 1994 jyly týǵan Qyrǵyzstan azamaty aýdandyq aýrýhanaǵa jetkizildi. Ekeýi de belgili bir dárejede kúıik alǵan», delingen vedomostvo habarlamasynda.