QR Sybaılas jemqorlyqqa qarsy is-qımyl agenttigi Almatynyń taý bókterinde ornalasqan záýlim úıdiń satylymǵa shyǵarylǵany týraly aqparatty zertteıdi, dep habarlaıdy Egemen.kz.
Buǵan deıin áleýmettik jelilerde Sybaılas jemqorlyqqa qarsy qyzmet bastyǵynyń burynǵy orynbasarynyń jubaıy Almatyda otbasylyq záýlim úıdi satylymǵa shyǵarǵany týraly aqparat taraǵan edi. Keıbir derekter boıynsha bul úı 2 mıllıard teńgege baǵalanǵan.
Antıkor tóraǵasynyń birinshi orynbasary Ulan Sarqulov bul aqparatqa qatysty pikir bildirdi.
«Biz de habarlamany kórdik. Qyzmetkerlerimizdiń nazaryna alyndy. Taǵy bir máseleni birden atap ótkim keledi, eger bul úı deklaratıvti bolsa, eger tıisti túrde tirkelgen bolsa, barlyǵy zań sheńberinde bolsa, biz atalǵan úı ıesiniń jekemenshik quqyǵyn qurmetteýimiz kerek. Buny zertteý qajet», dedi Sarqulov Májilis kýlýarynda.