2 qazannan bastap ishki ister organdarynyń jeke quramy qyzmet ótkerýdiń kúsheıtilgen nusqasyna aýystyryldy. Respýblıkalyq referendýmnyń ótkizilýi kezeńinde IIM quqyqtyq tártip pen qaýipsizdikti qamtamasyz etý jóninde sharalar qabyldaıdy, dep habarlaıdy Egemen.kz.
QR IIM baspasóz qyzmetiniń habarlaýynsha, memlekettik organdarmen birlesip, daýys berýge arnalǵan ýchaskelerge komıssııalyq tekserýler júrgiziletin bolady. Olardyń tehnıkalyq sıpattarǵa jáne qaýipsizdik talaptaryna sáıkestigi, terrorızmge qarsy qorǵalýy qaralady.
Polısııa qyzmetkerleri daýys berý bıýlletenderi jetkizilgen sátten bastap ýchaskeler mańynda qyzmet atqaratyn bolady.
Sondaı-aq polıseıler daýys berý qujattamasyn jetkizýdi súıemeldeıdi. El boıynsha qoǵamdyq tártipti 33 myńǵa jýyq qyzmetker qamtamasyz etetin bolady, onyń 18 myńy saılaý ýchaskelerinde.
Ishki ister organdary daýys berýdiń durys jáne tynysh jaǵdaıda ótýi úshin barlyq sharalardy qabyldaıdy.