Sýretshiler – Kerekýde

«ART-Tór 2024» atalǵan ha­lyqaralyq plenerde túrli ká­de­­syı­lardyń jáne Naǵymbek Nur­muhammedov salǵan sýretter kataloginiń tusaýkeser rásimi jasal­dy. Qurmetti qonaqtar qa­ta­rynan áıgili sýretshiniń qyzy, ónertanýshy Mara Naǵymbekqy­zyn, IýNESKO Sýretshiler odaǵy­nyń múshesi, reseılik Andreı Blıok­ty, Qyrǵyzstannyń Halyq sýretshisi Iýrıstanbek Shyǵaevty, ázerbaıjandyq sýretshi Djalal Agaevty, sondaı-aq basqa da otandyq jáne sheteldik tanymal qylqalam ıelerin kóre aldyq.

– Pavlodar oblystyq kór­kem­sýret mýzeıi 1964 jyly quryl­ǵan, Ertis óńirindegi eń iri mýzeı. Bıyl qurylǵanymyzǵa 60 jyl tolyp otyr. Osy ýaqyt aralyǵynda uıym óńir­diń óneri men mádenıeti sala­syn­daǵy úrdister men qubylys­tar­dy zertteý, qujattaý fýnksııa­la­­ryn oryndaıtyn ǵylymı-máde­nı mekemege, mádenıettiń, bilim men ǵylymnyń damýyna oń áser etetin mýzeı toptamalarynyń qoımasyna aınaldy. Búginde mýzeı kollek­sııasynda 6 200-den astam keskindeme, grafıka, músin, sándik-qoldanbaly jáne teatrlyq-dekorasııalyq óner týyndylary bar. 2022 jyly Pavlodar oblystyq kórkemsýret mýzeıine Baıanaýyl aýdanynyń týmasy, Qazaqstan­nyń halyq sýretshisi, Qazaq KSR Mem­lekettik syılyǵynyń laýreaty Naǵymbek Nurmuhammedovtiń esi­mi berildi. Mýzeı qorynda sýretshi­­­niń 31 týyndysy saqtalǵan, 6 týyndy­­syn sýretshiniń otbasy mýzeı qo­ry­na ­tabystady, dep atap ótti mý­zeı ­basshysy Aqertis Soltanbaev.

Naǵymbek Jelal-Ád-Dınuly­nyń eńbek joly negizinen Almaty qalasynda órilgen. Asa aýqymdy shyǵarmashylyǵy odaqqa tanylyp, respýblıkalyq, búkilodaqtyq jáne halyqaralyq kórmelerdiń belsendi qatysýshysy boldy. О́ner ıesi etıýdter men bolashaq kartınalarǵa ar­nalǵan materıaldaryn negizi­nen el boıynsha jáne sheteldik saıahattarda jınaǵan. Ony biletin­der tulǵanyń sýretshi ǵana emes, bel­sendi qoǵam qaıratkeri, ónertaný­shy bolǵanyn aıtady. Qazaqstan­nyń ejelgi jáne qazirgi zamanǵy óneri týraly kóptegen maqala men kitap jazǵan.

«Nurmuhammedov shyǵar­ma­shylyǵyn qyrǵyzstandyq árip­testerim jaqsy biledi. Ony Qazaqstannyń klassık sýret­shi­leriniń biri retinde tanımyz. Ju­mystary joǵary kásibı deńgeı­de salynǵan. Ol kisiniń shákirtteri shyǵarmashylyq joldy laıyqty jalǵastyryp otyrǵany qýanta­dy. Mundaı sheberlerdiń eńbe­gin árdaıym ulyqtap, týyndylaryn altyndaı saqtaýǵa mindettimiz. Men de ol sııaqty Reseıdegi Repın atyndaǵy akademııany támamda­dym. Bul kórmege erekshe tar­týym bar. Álemge áıgili ǵalym Qanysh Sátbaevtyń 125 jyldyǵyna oraı, ǵulamanyń portretin salyp keldim. Ony mýzeı qoryna ótkizemin», dedi Qyrǵyzstannyń halyq sýretshisi Iýrıstanbek Shyǵaev.

Is-sharada Qazaqstannyń eńbek sińirgen qaıratkeri, Sýretshiler odaǵynyń mú­shesi О́mirbek Jubanııazov sheber­lik sabaǵyn ótkizdi. Munda qatysý­shy­lar keskindeme men grafıkany úılestiretin biregeı avtorlyq tehnıkamen tanysty. Al tanymal ónertanýshy, «Ular» galereıasy­nyń dırektory Iýrıı Markovıch 3D ­basyp shyǵarý, VR tehnologııa­lary men drondardy paıdalaný sııaq­ty beıneleý ónerindegi eń jańa tehnologııalar týraly jáne olar­dyń zamanaýı kórkemdik úrdis­ter­ge áseri týraly áńgimeledi. Bul qazirgi uıymdastyrylyp júr­gen kórmelerdiń keńistigin ózgertý­ge jáne jańa kózqarastar túzýge tamasha múmkindik beretinin atap ótti qatysýshylar.

Buǵan qosa sýretshiler Baıan­aýylǵa baryp, tumsa tabıǵattyń ǵaja­ıyptaryn beıneledi.

PAVLODAR