Bul suraqqa QR Syrtqy ister mınıstrligi jaýap berdi, dep habarlaıdy Egemen.kz.
Eske salaıyq, Memleket basshysynyń 2 qyrkúıektegi № 636 Jarlyǵyna sáıkes 2024 jylǵy 6 qazanda Qazaqstanda atom elektr stansııasyn salý boıynsha jalpyrespýblıkalyq referendým ótedi.
Qazaqstannyń sheteldegi mekemeleriniń janynan 59 shet memlekette 74 referendým ýchaskesi quryldy.
«Daýys berýge qatysý úshin belsendi saılaý quqyǵy bar, tıisti shet memlekette turatyn nemese jeke, qyzmettik, oqý, iskerlik pen týrıstik maqsatpen júrgen jáne QR azamatynyń jaramdy pasporty bar Qazaqstan Respýblıkasynyń azamattary referendým ýchaskesi qurylǵan Qazaqstannyń dıplomatııalyq nemese konsýldyq ókildigine júgine alady», delingen habarlamada.
Sheteldegi mekemelerde daýys berý «Qazaqstan Respýblıkasyndaǵy saılaý týraly» QR Konstıtýsııalyq zańynyń 38-shi babynyń 1-shi tarmaǵyna sáıkes referendým ótkiziletin kúni (2024 jylǵy 6 qazan, jeksenbi) jergilikti ýaqyt boıynsha saǵat 07:00-den 20:00-ge deıin ótkiziledi.