Densaýlyq saqtaý mınıstri Aqmaral Álnazarova Astanada ótip jatqan «Bilim berý sapasyn arttyrý - aqparattyq keńistiktegi joǵary oqý oryndarynyń strategııalyq damý fenomeni retinde» atty Ortalyq Azııa halyqaralyq forýmynyń ashylýyna qatysty, dep habarlaıdy Egemen.kz.
Vedomstvo basshysy óziniń quttyqtaý sózinde Densaýlyq saqtaý mınıstrligi medısınalyq kadrlardy daıarlaý sapasyna basymdyq beretinin atap ótip, akkredıtteý ortalyqtarynyń bilim berý sapasyn qamtamasyz etýdiń syrtqy quraly retindegi róline toqtaldy.
Qazaqstanda bilim berý baǵdarlamalary turaqty negizde damyp jatyr, stýdentter men professorlyq-oqytýshylyq quramnyń táýelsiz emtıhan júıesi engizildi, ınfraqurylym jetildirilip jatyr, jańa jabdyqtar men ádebıetter satyp alyndy.
Vedomstvo basshysy bul forým joǵary bilim sapasyn qamtamasyz etý isinde jańa ıdeıalar men tásilderdi izdeý úshin paıdaly dıalog alańyna aınalatynyna senim bildirdi.