Kásipke baýlıtyn platforma

Platformaǵa qazirdiń ózin­de 474 myńnan astam paıdalanýshy tirkelse, olardyń 390 myń­nan astamy oqýdy sátti aıaq­tap, sertıfıkatyn alǵan. Qol­da­ný­shy­lardyń 113,4 myńy bıyl tirkelip otyr. Oqýdan ótken 44,5 myń jumyssyz azamattyń 13,8 myńǵa jýyǵy – negizinen Aqtó­be, Túrkistan, Qaraǵandy, Qyzyl­orda oblysynyń, Shymkent qala­synyń jastary. Platforma iske qosylǵannan berige deıin avtorlar túrli baǵyttarda 608 kýrs ja­rııalap úlgerdi. Onyń 276-sy tegin.

Halyqtyń bilim deńgeıi men kásibıligin arttyrýǵa, mansap­tyq damýdy yntalandyrýǵa, «О́mir boıy oqytý» tu­jy­rym­damasyn ilgeriletýge ba­ǵyt­talǵan platformadaǵy kýrs­­tardyń uzaqtyǵy 1 saǵattan 72 sa­ǵatqa deıin jalǵasýy múm­kin. Qyr­kúıekte eń kóp sura­nys­ta bolǵan kýrstardyń ishinde «Áleýmettik jumysqa kirispe», «Satýshy», «Qonaqúıde satý bó­li­min qurý», «Áleýmettik jumys negizderi», «Personaldy basqarý» syndy baǵyttar bar. Platformada memlekettik qyz­met, áleýmettik qyzmet kórsetý, SMART SKILLS jáne basqa da salalardaǵy túr­li mamandyq boıynsha tegin kýrs­tardyń sany únemi artyp otyrady. Ol marketpleıs – qyzmetter naryǵy qaǵıdaty arqyly onlaın kýrs­tar­ǵa qol jetkizýdi usynatyn halyqaralyq oqytý alańdaryna uqsas qurylǵan. Oqýǵa skills.enbek.kz siltemesi arqyly nemese enbek.kz saıtyndaǵy «Onlaın oqytý» bólimin tańdaý arqyly ótýge bolady.

Byltyr jeltoqsan aıynan bastap kýrstardy Enbek mobıldi qosymshasy arqyly oqýǵa bolady. Qosymshany Google Play jáne App Store-dan júkteý qıyn sharýa emes.

Skills Enbek platformasynda endi Influencers-tiń jastarǵa arnalǵan kýrstary da qoljetimdi bolady.  Sebebi «Eńbek resýrstaryn damytý ortalyǵy» AQ men Influencers áleýmettik-bilim berý platformasynda yntymaqtastyq týraly kelisim jasady. Serik­tes­tik aıasynda Influencers ázirlegen beınematerıaldar men oqý baǵ­darlamalary Skills Enbek platformasyna ornalastyrylady. Qazirdiń ózinde Skills Enbek paıdalanýshylary úshin Influencers sarapshylarynyń qarjylyq saýattylyq kýrstary qoljetimdi. Osy yntymaqtastyq alda kásibı ósýge, ásirese jastarǵa bilim berý úderisin, basqa kýrstardyń áleýetin artty­rýǵa múmkindik beredi.

«Eńbek resýrstaryn damytý ortalyǵy» AQ basqarýshy dırek­tory Olga Kıseleva azamat­tar­dyń daǵdylaryn jetildirýge sep­tesetin kýrstardyń qatary to­lyǵyp, jańaryp otyratynyn aıtady.

«Skills Enbek platformasy úzdiksiz keńeıip, damyp keledi. Azamattardyń bilim alýyna osylaı kóńil bólinip, olardy tyń daǵdylarǵa úıretý turǵysynan múmkindikterin keńeıtip otyr. Paı­dalanýshylarymyzdyń sha­mamen 40 paıyzy – jastar. Olar­ǵa kýrstardyń ózektiligi, alýan­dyǵy men sapasy erekshe ma­ńyzdy. Biz muny bilip, eskerip otyrmyz. Aldaǵy kúnderde de qaperden shyǵarmaımyz», – deıdi O.Kıseleva.

Skills Enbek iske qosylǵan sátten bastap platformaǵa túr­li baǵyttarda 608 kýrs ornalas­tyrylǵan. Onyń ishinde 276 kýrs­ty tegin oqýǵa bolady. Mundaı kýrstardan ótýge kim-kimniń bolsa da múmkindigi bar.