Qostanaı aýdanynyń Sadovoı aýylynda qaıǵyly oqıǵa boldy. Kásiporyndardyń birinde jumysshy avtomattandyrylǵan beton aralastyrǵyshqa qulap qaza boldy, dep habarlaıdy Egemen.kz.
TobolInfo jazǵandaı, oqıǵa 26 qyrkúıekte kirpish zaýytynda bolǵan.
Polısııa málimetinshe, 60 jastaǵy jumysshy alǵan jaraqattarynan oqıǵa ornynda kóz jumǵan. Qazirgi ýaqytta quqyq qorǵaý organdary eńbek qaýipsizdigi erejelerin buzý derekteri boıynsha sotaldy tergeý amaldaryn júrgizip jatyr.
Aqparat kózderinen alynǵan málimetke qaraǵanda, er adam resmı túrde jumysqa turmaǵan. Qujattarǵa sáıkes, onyń qyzy kompanııada tirkelgen. Marqumnyń artynda alty balasy qaldy.