Respýblıkalyq referendým taǵaıyndalǵan sátten bastap Batys Qazaqstan oblysynyń aýmaqtyq referendým komıssııalary referendýmǵa daıyndyq jumysyn bastap ketken bolatyn. Sodan beri oblystyq referendým komıssııasynyń 3 otyrysy ótkizilgen.
«Búgingi tańda oblysta 681 saılaý komıssııasy bolsa, referendýmda sonyń 510-y, ıaǵnı quramynda 3 220 múshesi bar 14 aýmaqtyq referendým komıssııasy jáne 496 ýchaskelik referendým komıssııasy jumys istep jatyr. Bul komıssııa músheleriniń 87,6%-y – túrli salada jumys isteýshiler, 11,5%y – jumysta joq, 1,0%-y – zeınet jasyndaǵylar. Komıssııa músheleriniń 74,8%-nyń saılaýdy ótkizý tájirıbesi bar», deıdi Batys Qazaqstan oblystyq aýmaqtyq saılaý (referendým) komıssııasynyń tóraǵasy Ádil Jolamanov.
О́ńirde referendým komıssııalaryndaǵy bos oryndarǵa tamyz aıynda-aq máslıhat sessııalarynyń sheshimimen jańa qyzmetkerler alynǵan. Sondaı-aq Oral qalasynda 5 jańa saılaý ýchaskesi qurylyp, komıssııa músheleri jasaqtalǵan.
Referendým qarsańynda komıssııa múshelerin oqytý jumysy josparly túrde júrgizildi. Komıssııa múshelerine arnalǵan biliktilik semınary 95 márte ótip, barlyq qyzmetker oqytylǵan. Al respýblıkalyq semınarǵa qatysqan trenerler barlyq aýdan men Oral qalasynyń komıssııa múshelerin kaskadty ádispen oqytyp shyǵarǵan.
«Respýblıkalyq referendýmdy ázirleý men ótkizý jónindegi negizgi is-sharalardyń kúntizbelik jospary boıynsha BAQ-ta barlyq aqparat jarııalandy. 26 qyrkúıekten beri azamattar daýys berý ýaqyty men orny týraly habardar etilip, shaqyrý bıletteri úlestirildi. Daýys berý kúni qarsańynda barlyq referendým ýchaskelerinde biryńǵaı «Ashyq esik» kúni ótkizildi. Bul kúni ýchaske tóraǵalary azamattarǵa referendým zańnamalaryn qosymsha túsindirip, daýys berý erekshelikteri týraly áńgimelep berdi. Budan bólek, oblys boıynsha halyqtyń referendým haqyndaǵy saýaldaryna táýlik boıy jaýap beretin 13 koll-ortalyq uıymdastyryldy. Halyq kóp shoǵyrlanatyn oryndarda LED-ekran arqyly vıdeorolıkter, mádenıet oshaqtary men bazarlarda aýdıorolıkter taratyldy. Áleýmettik jeliler arqyly da aqparat jarııalanyp, turǵyndarǵa «Telegram», «WhatsApp» chattary arqyly da habarlaý jumysy uıymdastyryldy. Sonymen qatar, daýys berýshileri 1 myńnan asatyn 192 ýchaskede onlaın servıs qyzmeti jáne oblys ortalyǵynyń 5 ýchaskesinde azamattardy tirkeý servısteri uıymdastyryldy. Aýdandar men Oral qalasynda Ortalyq referendým komıssııasynyń aqparattyq bannerleri 245 orynǵa ilindi. Biz kámelet jasyndaǵy ár azamattyń el bolashaǵy úshin asa mańyzdy máselede beıtarap qalmaı, azamattyq belsendi pozısııasyn kórsetýine barlyq jaǵdaı jasaýǵa tyrystyq», deıdi oblystyq komıssııa múshesi Asylanbek Ǵubashev.
Referendýmǵa oblys boıynsha 496 saılaý ýchaskeci qyzmet kórsetedi dedik. Komıssııa tóraǵasynyń aıtýynsha, osy bólimshelerdiń materıaldyq-tehnıkalyq jaǵdaıy aldyn ala tekserilip, barlyq qajettilik tolyq sheshilgen eken. Sonyń ishinde múgedektigi bar 2 208 adamǵa óz daýysyn berýge barlyq jaǵdaı jasalǵan.
Oblystaǵy barlyq ýchaskeler birinshi qabattarda ornalasqan, 443 ýchaske pandýspen, 412 ýchaske kireberis, 373 ýchaskelerdiń ishi ártúrli taktıldi belgimen jabdyqtalǵan. Saılaý ýchaskelerinde múgedekter arbasymen júretin azamattarǵa laıyqtalǵan 264 kabına ornatylypty. Múmkindigi shekteýli azamattarǵa jaǵdaı jasaý úshin qosymsha 53 ýchaskede pandýs jasalǵan. Daýys berý kúni, 28 ınvataksı qyzmet kórsetedi eken, sonyń 14-i Oral qalasynda. Referendým kúni 10 sýrdoaýdarmashy da qajet bolǵanda kómek kórsetýge daıyn turady.
Jalpy Batys Qazaqstan oblysynda 444 428 azamat daýys berýshi tiziminde tirkelgen.