Ortalyq referendým komıssııasy AES salý boıynsha referendýmnyń sheteldegi ýchaskeleriniń ashylýy týraly baspasóz konferensııasyn ótkizdi, dep habarlaıdy Egemen.kz.
Syrtqy ister mınıstriniń orynbasary Roman Vasılenko 59 memlekette daýys berýshilerdiń jalpy sany 12 307 adamnan turatyn 74 ýchaskelik referendým komıssııasy qurylǵanyn habarlady. Búgingi kúni tańǵy saǵat 8:15-tegi jaǵdaı boıynsha shetelde 26 ýchaskelik referendým komıssııasy jumys isteı bastady. Taǵy 48 ýchaske ashylady dep josparlanyp otyr.
«Jaqyn arada Orta Shyǵys jáne Eýropada ornalasqan ýchaskeler óz jumysyn bastaıdy. Jalpy sheteldegi azamattarymyzdyń daýys berý úrdisi belsendi bolyp jatqanyn baıqaýǵa bolady», dep atap ótti Syrtqy ister mınıstriniń orynbasary Roman Vasılenko.
Ýaqyt aıyrmashylyǵyna baılanysty Astana ýaqyty boıynsha saǵat 16:00-de Vashıngton, Nıý-Iork, Oktava qalalaryndaǵy jáne Astana ýaqyty boıynsha saǵat 20:00-de San-Fransısko qalasyndaǵy referendým ýchaskeleri jumysyn bastaıdy.