Panfılov aýdanyna qarasty Jarkent qalasynyń turǵyny Zeınelhan Ospanova elimiz úshin asa mańyzdy kúnde qaladaǵy daýys berý ýchaskesine ózi kelip, tańdaýyn jasady.
12 ret qursaq kótergen áje qarttyǵyna qaramastan elimizdegi ár saıası oqıǵada belsendilik tanytady.
«Jasym 102-ge keldi. Men Prezıdent saılaýynda da ózim kelip daýys bergenmin. Búgin mine taǵy da keldim. Búgingi mańyzdy kúnde daýysymyzdyń asa qundy, pikirimizdiń altynnan qymbat ekendigin umytpasaq ıgi edi. Sebebi halyq memlekettiń basty qozǵaýshy kúshi», dep batasyn berdi keıýana.