«Qazaqstan-2023» arýy Sábına Ydyrysova, «Álem arýy Qazaqstan-2023» Mádına Álmuhanova jáne «Almaty arýy-2024» Eldana Saýranbaeva Qazaqstanda atom elektr stansııasyn salý boıynsha referendýmǵa qatysty, dep habarlaıdy Egemen.kz.
Qyzdar saılaý ýchaskelerine táj kıip, lentasyn taǵyp keldi. Olar referendýmnyń mańyzdylyǵyn atap ótip, ustanymyn bildirý azamattyq jaýapkershiliktiń mańyzdy bóligi ekenin aıtty.
«Búgin qabyldaǵan árbir sheshimimiz bolashaǵymyzǵa áser etetinine senemin. Jas býyn ókili retinde elimizdiń bolashaǵyna qatysýymyz kerek dep oılaımyn. Referendým qoǵamdy jaqsylyqqa umtylýda biriktiretin mańyzdy oqıǵaǵa aınaldy», dedi Sábına Ydyrysova №295 ýchaskede daýys bergennen keıin.
Al kelesi arýymyz Eldana Álmuhanova álemdi aralap, sulýlyq baıqaýlaryna qatysqan kezde túrli elderdiń máseleni qalaı sheshetinin kózben kórgenin, qazir bolashaǵymyzǵa áser etýge múmkindik bar ekenin aıtty.
«Referendým – azamattyq boryshymyzdy kórsetýdiń múmkindigi. Biz sulýlyq baıqaýlaryna qatysýshylar retinde eldegi barlyq azamattyń ómirin jaqsartýǵa jáne Qazaqstannyń bolashaǵyna oń ózgerister engizýge yqpal etetin bastamalardy qoldaımyz», dep sanaıdy Eldana Saýranbaeva.
Eske sala keteıik, búgin Qazaqstanda AES salý jónindegi respýblıkalyq referendým ótip jatyr. Qala basshysy Erbolat Dosaev zaıybymen birge №388 mektep-lıseıindegi daýys berý ýchaskesine alǵashqylardyń biri bolyp kelip, daýys berdi. Almaty turǵyndary óz ýchaskelerine baryp, saǵat 20:00-ge deıin daýys bere alady.