Tyl eńbekkeri, Almatydaǵy Naýryzbaı aýdanynyń 99 jastaǵy turǵyny Kámılá Qasymova Qazaqstanda AES salý máselesi boıynsha respýblıkalyq referendýmǵa jeke ózi qatysty, dep habarlaıdy Egemen.kz.
Kámılá Qasymova Qazaq ósimdikterdi qorǵaý jáne karantın ǵylymı-zertteý ınstıtýtynda ornalasqan № 511 saılaý ýchaskesine bardy.
«Búgin - el úshin tarıhı kún. Men aǵa býyn ókili retinde referendýmǵa qatysyp, óz daýysymdy berýdi sheshtim. Bul bizdiń balalarymyz ben nemerelerimizdiń bolashaǵy úshin óte mańyzdy qadam», dedi keıýana.
Esterińizge sala keteıik, 6 qazanda Qazaqstan aýmaǵynda AES salý máselesi boıynsha respýblıkalyq referendým ótip jatyr. Almaty ákimi Erbolat Dosaev jubaıymen birge №48 mektep-lıseıdegi № 388 saılaý ýchaskesine kelip, alǵashqylardyń biri bolyp daýys berýge qatysty. Almatylyqtar turǵylyqty jeri boıynsha saılaý ýchaskelerine baryp, saǵat 20:00-ge deıin óz daýystaryn bere alady.
Almaty