Saıram aýdany, Qarabulaq aýyldyq okrýginiń №580 referendým ýchaskesinde Ekinshi dúnıejúzilik soǵysynyń ardageri Ahmedjan Anartaev óz tańdaýyn jasady.
Qarııa referendýmǵa kelýshilerge, ondaǵy komıssııa músheleri men baıqaýshylarǵa saıası naýqannyń sátti ótýine tilektestigin bildirip, aq batasyn berdi. Maıdanger aqsaqal 1926 jyly 10 qarashada Ońtústik Qazaqstan oblysynyń Saıram aýdanyndaǵy Qarabulaq aýylynda dúnıege kelgen. 1944 jylǵy 5 mamyrda Saıram aýdandyq áskerı komıssarıatynan áskerge shaqyrylyp, 64-inshi atqyshtar polkynda qyzmet etti. Qatardaǵy jaýynger sheninde Polshany azat etý jolyndaǵy shaıqastarǵa, Germanııadaǵy urystarǵa qatysty. II dárejeli «Otan soǵysy» ordenimen jáne birneshi medaldermen marapattalǵan. Búginde 9 balasy, 28 nemeresi, 5 shóberesi bar.
«Eldiń bolashaǵy úshin árbir azamat referendýmda óz daýysyn berýge mindetti. Búgingideı el eńsesin tiktegen shaqta aýyzbirshiligimiz myqty bolýy tıis», deıdi qart maıdanger.