Reformalar júıeli iske asyrylyp keledi

Referendým ótkizý – demo­kratııanyń ajyramas bóligi. Elimizde de halqymyzdy tol­ǵan­­dyrǵan ózekti taqyryp­tar­dy qoǵammen birlese sheshý dás­túri qalyptasyp kele jat­qa­nyn atap ótken jón. 2022 jyly konstıtýsııalyq ózge­ris­terge baılanysty referen­dým ótse, endi mine, eldiń áleý­mettik, ekonomıkalyq, ener­getı­kalyq damýyna qatysty jal­py­halyqtyq referendým ótip otyr. Atalǵan úderister – eli­­mizdiń demokratııalyq qun­­dy­­lyqtardy ornyqtyrýǵa, jańa saıası dástúr men máde­nıet­ti qalyptastyrýǵa baǵyt­tal­ǵan júıeli damýynyń bir aıǵaǵy.

Osy oraıda eldik másele­ge beıjaı qaramaı, ózi­­niń kons­tı­tý­sııalyq quqyn qol­­dana oty­ryp, mańyzdy sheshim qa­byl­daýǵa halqymyz belsendi at­sa­lysqanyn da atap ótken jón. Bul azamattyq qoǵamnyń damýy jolyndaǵy oń úrdis desek bolady.

Qazirgi tań­­da aýyl ákim­derin saılaý, 2025 jyldan bas­tap aýdan men oblystyq mańyzy bar qala ákim­derin saı­laý sııaqty ma­ńyz­dy reformalar úderisi ótip jatyr. Munyń barlyǵy da jer­gilikti memlekettik bas­qarý tetikterin zamanǵa saı jetil­dirýge baǵyttalǵan óz­ge­ris­ter, halqymyzdyń mem­le­kettik bas­qarý tetik­terine qa­ty­sýyn art­ty­ratyn reformalar.

Joǵaryda atalǵan úderis­ter­di saralaı kele, elimiz demo­kratııalyq damý jolynda re­for­malar paketin júıeli túr­­de iske asyryp keledi dep aıtý­ǵa negiz bar.

Baýyrjan SERIKBAEV,

Qazaqstan qoǵamdyq damý ınstıtýtynyń sarapshysy