Tótenshe jaǵdaılar mınıstrligi Pavlodar oblysy Baıanaýyl aýdany aýmaǵyndaǵy jalpy aýdany 10000 gektar aýmaqty sharpyǵan dala órti 14:30-da oqshaýlanǵanyn habarlady, dep jazady Egemen.kz.
О́rtti sóndirýge Pavlodar oblysynan, Astana qalasy tótenshe jaǵdaılar departamenti, Abaı oblysynan jáne QR TJM 68303 áskerı bólimi, orman sharýashylyǵy qyzmetteriniń qutqarýshylar toptary jáne jergilikti atqarýshy organdardan erikti órt sóndirý qurylymdary jumyldyryldy.
О́rtti oqshaýlaýǵa 236 adam, 42 birlik tehnıka, 2 áýe kemesi, 3 ushqyshsyz ushý apparaty paıdalanyldy. О́rtti sóndirýge 29 ret 64 tonna kóleminde sý tógilgen. Sý Shalqarkól kóli jáne Jeltaý kentindegi uńǵymadan alynǵan.
Buǵan deıin 6 qazanda Qaraǵandy oblysy Qarqaraly aýdany Qoıandy aýylynyń mańynda qurǵaq shóptiń janýy órship, Pavlodar oblysy aýmaǵyna jetkenin habarlaǵan edik.
Sondaı-aq Qarqaralydaǵy dala órtin sóndirý kezinde qutqarýshy qaza tapty.