Aqtóbe tabıǵat qorǵaý prokýrorlary Hromtaý aýdanynda hrom kenin óńdeýmen aınalysatyn «Voshod Hrom» JShS-i qyzmetin teksergen, dep habarlaıdy Egemen.kz Aqtóbe oblysy prokýratýrasynyń baspasóz qyzmetine silteme jasap.
Tekseris nátıjesi boıynsha, kompanııa 2022 jyl boıy mindetti ekologııalyq ruqsatsyz jumys istegen.
«Osy kezeńde atmosferaǵa 52 tonnadan astam beıorganıkalyq shań, 3 valentti hrom, magnıı oksıdi jáne t.b. lastaýshy zattardyń shyǵaryndylary shyǵarylǵan. Sondaı-aq jalpy kólemi 395 myń tonna bolatyn iri kesek jáne shlamdy baıytý qaldyqtary normadan tys artyq, ıaǵnı zańsyz dep tanyldy», dep habarlady oblystyq prokýratýranyń baspasóz qyzmeti.
Prokýratýranyń sharalarymen kásiporynǵa ekologııalyq ruqsatsyz qyzmetti júzege asyrǵany úshin, 2,9 mlrd teńgeden astam aıyppul salynǵan.Búgingi tańda aıyppul tolyǵymen óndirilip, qarajat bıýdjetke túskeni belgili boldy.