Shymkenttegi jekemenshik «Zerde» mektebinde 10 oqýshy ýlanyp qaldy, dep jazady Egemen.kz.
Qalalyq bilim basqarmasynyń málimdeýinshe, oqıǵa búgin, saǵat 12:25 shamasynda bolǵan. Mekteptiń 10-synyp oqýshysy oınap júrip arnaıy qutydaǵy gazdy (persovyı ballonchık) shashqan. Saldarynan ózge oqýshylar ózin jaısyz sezingen.
Mektep ákimshiligi alǵashqy medısınalyq kómek kórsetken soń, bilim alýshylar jedel járdem kóligimen Shymkent qalalyq toksıkologııalyq aýrýhanasyna jetkizilgen.
«Oqys jaǵdaıdan keıin oqýshylar úıine qaıtaryldy. Qazir jaǵdaı boıynsha tekserý jumystary júrgizilýde. Qazirgi ýaqytta mektep ǵımaraty zararsyzdandyrylǵan. Mektepte oqý prosesi 1 aýysymda júrgiziletin bolǵandyqtan, oqý erteń jalǵastyrylady», delingen qalalyq bilim basqarmasy taratqan habarlamada.
Turan aýdandyq polısııa bólimi mektepke arnaıy qutydaǵy gazdy alyp kelgen oqýshyny tergeýge kirisken.