2023 jyly qańtarda ómirden ótken kompozıtor Arman Dúısenovtiń úlken uly qaıtys bolǵan. Bul týraly jýrnalıst Láılá Sultanqyzy aıtty, dep habarlaıdy Egemen.kz.
«Jańa ǵana sýyt habar estidim. Kóńilim qulazyp otyr. Qazaq «atalatsań da, botalatpa» deıdi ǵoı. Qazir Armannyń jesiri, kelinshegine óte aýyr, qıyn. Úlken uly qaıtys boldy degendi estidim, otbasyna qaıǵyryp kóńil aıtamyn», dedi Láılá Sultanqyzy.
Al, ánshi Maqpal Júnisova sazgerdiń ulyn bireýler qastandyqpen óltirdi degen sýyq habar estidim dep jazǵan áleýmettik jelidegi paraqshasynda.
«Marqum Arman Dúısenovtiń tuńǵyshy Abylaı Armanulyn bireýler qastyqpen óltirdi degen sýyq habar jetti. Imany salamat bolsyn, óltirgen adamdy taýyp jazasyn berý kerek. Aısulý aınalaıyn, Alla sabyr bersin, keshe ushyp ketip edim, týǵandaryna, anasyna, qaryndasy men baýyryna qaıǵyryp kóńil aıtamyn», dep jazdy Maqpal Júnisova.