Babyn tapqan bızon da ósiredi

Iá, sonymen bızon baqqan­dy da kórdik. Shyn eken. Serik­testik jalǵyz bızon emes, tabyn-tabyn jylqy ósirip, tabysqa kenelip otyr. Aýdan­dyq aýyl sharýashylyǵy bólimi qyzmetkerleriniń aıtýlaryna qaraǵanda, josyǵy bólek jańa jobanyń jalpy quny – 340 mln teńge. Tosyn is qolǵa alynyp, jańadan 10 jumys orny ashylypty. Tórt túlikti tóskeıge jaıyp, tabys kózin molaıtqan seriktestik 6 myńǵa jýyq mal baǵady.

«Shveısarııanyń «Swiss Choice Holding SA» kompanııasymen birlesip qolǵa alyn­ǵan joba sheńberinde 12 bızon jetkizilgen. Barlyq mal dárigerlik, karantın sharalary saqtalǵan. Baǵymy bólek bızon sharýashylyǵyn órkendetý úshin jer bólingen. Arnaıy mal qamaıtyn oryndar men et óńdeıtin, mal azy­ǵyn daıyndaıtyn zaýyt­tar qurlysy júrip jatyr», deıdi aýdandyq aýyl sharýa­shy­lyǵy bóliminiń basshysy Valentına Sıtnıkova.

Aqkól aýdanynda aýqymdy is az emes. Qarasaı selolyq okrýgindegi «Tyń jer 18» serik­testiginde bir saǵattyń  ishin­de 100 tonna astyq tazalaı alatyn jeli salynbaq. Qu­rylǵy seriktestiktiń ózine ǵana emes, qanattas qonǵan ózge de aýyl sharýashylyǵy qu­ry­lymdaryna septigin tıgizbek. Keńes selolyq okrý­gindegi Aıdarly aýylynda forel sharýashylyǵy uıym­­dastyrylǵan. Quryl­taı­shylar jobaǵa 100 mln teńge tóńireginde qarajat salǵan.

Aqkól aýylynda «ROK Aqkól» seriktestigi saýyqtyrý kesheniniń qurylysyn qolǵa alǵan. Bul maqsatqa 500 mln teń­ge qarajat quıylǵan. Ázir­ge 10 jańa jumys orny ashylypty. Joba tolyqtaı júzege asqan kezde qyryqtan astam adam turaqty jumyspen qam­tyl­maq. Aýdandaǵy taǵy bir aýqym­dy jumys – taýarly sút fer­masynyń qury­lysy. «Eń­bek» seriktestigi bul jobaǵa 8,3 mlrd teńge qara­jat quımaq. Jo­ba qazir mem­lekettik saraptaý­dan ót­ki­­zilgen. Injenerlik, elektr jelileri tartylyp, al­ǵash­qy kezekte qajet bolatyn bar sharýa atqarylǵan. Jaz­da golsh­teın tuqymdy 816 mal jetki­zilgen. Taýarly sút fer­masy­na nemistiń óte sapaly saýý qurylǵylary alynypty.

Jyl basynan beri aýdan­daǵy óndirilgen ónerkásip ónim­deriniń quny 3 mlrd teń­ge­ni quraıdy. Tabıǵaty tamyl­jyǵan aýdanǵa ınvestor­lar da aıryqsha yqylas aýdaryp otyr. Aqkól orman sharýa­shy­lyǵyndaǵy «Senim» emdeý-saýyqtyrý ortalyǵy qomaqty ınvestısııanyń arqasynda júzege asyrylmaq.

Aqkól qalasynyń ózinde «Aq­kól» kópsalaly kesheni­niń qu­rylysy júrip jatyr. «Ramadan» makaron óndiretin zaýyt qurylysy bastaldy. Zaýytqa quıylatyn ınvestısııa kólemi – 3,5 mlrd teńge. Kásiporyn táýligine 48 tonna makaron óndirmek. Ýrıýpın selolyq okrýgine qarasty Tal­qara aýylynda baǵaly ba­lyq ósirý qolǵa alynǵan. Baǵyt­talǵan ınvestısııa 100 mln teńge shamasynda. Krasnobor sý qoımasynda altaı tuqysy men aq amýr óristetilgen. Jy­lyna 20 tonnaǵa jýyq balyq aýlanbaq.

Aqmola oblysy,

Aqkól aýdany