Ishki ister mınıstrligi uıymdasqan qylmysqa qarsy kúres bólinisiniń qyzmetkerleri munaı ónimderiniń iri kontrabandasynyń arnasyn joıǵan, dep habarlaıdy Egemen.kz Polisia.kz-ke silteme jasap.
Jedel is-sharalardyń nátıjesinde shekaradan shyǵarýǵa arnalǵan 10-nan astam vagon-sısterna tabylǵan.
Anyqtalǵandaı, irgeles memlekettiń aýmaǵyna jóneltilmek bolǵan vagondarda quny 120 mln teńgeden asatyn 750 tonnadan astam munaı ónimi bolǵan. Olar toqtatylyp, tergeý júrgizý úshin tárkilengen.
«Munaı ónimderin tıisti ruqsat qujattarynsyz tasymaldaý faktisi boıynsha qylmystyq is qozǵaldy. Jedel-tergeý is-sharalarynyń kesheni júrgizilip jatyr», dedi IIM uıymdasqan qylmysqa qarsy kúres departamentiniń basqarma bastyǵy Qýandyq Alpys.