Fızıka baǵyty boıynsha bıylǵy Nobel syılyǵy «jasandy neırondyq jelilerdi qoldana otyryp mashınalyq oqytýdy qamtamasyz etetin irgeli jańalyqtar men ónertabystar» úshin Djon Hopfıld (AQSh) jáne Djeffrı Hıntonǵa (Kanada) tabystaldy, dep habarlaıdy Egemen.kz.
Olardyń 1980 jyldary-aq jasaǵan ónertabystary 2010 jyldary qarqyn alǵan jasandy ıntellekt (AI) tehnologııalarynyń damýyna negiz boldy.
Eki ǵalym da egde jasta. Prınston Ýnıversıtetiniń professory Djon Hopfıld 91 jasta bolsa, Toronto ýnıversıtetiniń professory Djeffrı Hınton bıyl 76 jasqa tolǵan.
Nobel komıteti músheleri bul týraly bylaı pikir bildirdi:
«Kompıýterler oılana almasa da, búginde olar este saqtaý jáne oqý sııaqty úderisterge elikteı alady. Bul laýreattardyń zertteýleriniń arqasynda múmkin bolyp otyr».