I.Omarov atyndaǵy Qostanaı oblystyq Qazaq drama teatry Reseıdiń Perm qalasynda ótken teatr festıvalinen oljaly oraldy.
Iran, Reseı, Japonııa, Serbııa syndy on shaqty memlekettiń mańdaıaldy teatrlary qatysqan halyqaralyq baıqaýda Qostanaı teatry sahnalaǵan «Sholpannyń kúnási» dramasy «Eń úzdik spektakl» atalymyn jeńip alyp, festıvaldyń Gran-prı júldesine ıe boldy.
Sonymen qatar teatrdyń sahna bezendirýshisi Sadyr Nııazqunov «Úzdik ssenografııa» atalymynyń laýreaty atansa, bas keıipker Sholpannyń rólin jerine jetkizip oınap shyqqan talantty aktrısa Dıana Tursynova «Úzdik áıel beınesi» atalymyn jeńip aldy. Al Sársenbaıdyń beınesin sátti somdaı bilgen Qýanysh Maratulyna «Úzdik er beınesi» atalymynyń músinshesi tabys etildi.
«Bul dástúrli baıqaýǵa ótken jyly shaqyrtý alǵan edik. Sóıtip, Perm teatrynda «Sholpannyń kúnásin» qoıdyq. Spektakldi sýbtıtrmen tyńdaǵan kópshiliktiń erekshe áser alǵanyn kórip, ózimiz de tolqydyq. Qazylar alqasy tarapynan joǵary baǵa aldyq. Endi bul qoıylym Máskeý, Baký, Qazan qalalaryna shaqyrtylyp otyr. Olar da ózderindegi dástúrli teatr merekelerine qatysqanymyzdy qalaıdy», deıdi qoıylym rejısseri Batyrbek Shambetov.
Qostana oblysy